川貝燉雪梨

 

October 27, 2013, Sunday

呢排日日不停咁燉，燉橙，燉蘋果，雪耳燉木瓜，都係想止咳啫。好咗的啦，但仲係未完全好番，而家的天氣咁乾燥，繼續燉，燉鴨咀梨呀！

為咗食時方使的，都係去皮去芯，原個燉食時比較麻煩，好多果肉都食唔到。

用了五個雪梨，一粒大少少的冰糖

又係先放一半雪梨，加冰糖，加五茶匙川貝粉(通常一個生果一匙川貝粉）

再鋪上餘下的雪梨

燉雪梨要燉足三個鐘

不過的雪梨無好似蘋果咁一攪拌就溶哂

 

五個雪梨，燉好都只得四飯碗(仲唔係好滿)。叫二公子食啦，佢食咗一啖就唔肯食，佢唔鍾意嗰陣味，咁無法啦，我同型爸食埋佢。

 

 

燕雲莊上海菜- 粉嶺中心

October 27, 2013, Sunday night

 

今晚又唔煮飯，約咗幾位鄰居，一行十二人出去食飯呀！本來想去泰國人餐廳，但要晚上八九點先有位，明天小朋友要返學，唔可以太夜。

 

林太在燕雲莊訂到位，七點半可以，咁就去燕雲莊啦。

 

林老闆發辦：

 

冷盤一碟, 咦，呢個盤幾好喎，好果我整五款冷盤，啱啱好夠放呢！

砂鍋雲吞雞

肉碎四季豆

蝦仁炒蛋

 

蝦子豆腐

 

沙薑雞

冬菰肉絲百頁

 

煎雲吞，一客八隻，兩客。　嘩呢碟煎得好醜樣呀，黐咗的鑊燶但又煎得唔夠，no good

小籠包，一客十隻，兩客

白菜獅子頭，的獅子頭都ok, 但的白菜食落係爽嘅，no good.

煎鍋貼，一客八隻，兩客。

 

仲有蒸及炸絲卷。

 

呢餐唔貴呀，埋單HK$1,028.  唔計小朋友，每人都只係HK$100.　不過的食物普通水準，唔係好啦。

 

Philips Airfryer - 焗燒腩

 October 27, 2013, Sunday

用焗爐焗燒腩整過好多次, 但用Philips Airfryer就係第一次.

嗰日無意逛到小寶個blog見佢用Philips Airfryer 焗燒肉, 又幾好喎, 我又要試.

買咗一大件腩肉返嚟, 我都未出聲, 已經比Ruby揮刀一開二，本來諗著度焗盤嘅size, 整大件的燒肉，而家已經切開，咁又嚟一肉兩食, 一冷一熱。

食大閘蟹餐時，用了半件腩肉整蒜泥白肉，剩低呢半件就用嚟焗燒腩啦。

調味：用了五香粉，胡椒粉，鹽，紹酒(用量視付腩肉的大細, 自己決定）


將腩肉反轉，調味料搽勻整件腩肉(皮除外）


腩肉醃好後，轉回皮向上，不用加保鮮紙，直接放入雪櫃雪一晚

第二天，從雪櫃拿出來，用豬肉針狂插（非常粗暴，所以無拍照）

用鍚紙摺起包著腩用，在豬皮搽上白醋，再鋪上粗鹽

預熱Philips Airfryer 180度３分鐘

放入鋪上粗鹽的豬腩, 焗３０分鐘

出爐　

掃走鹽及除去錫紙

將Airfryer調至200度

焗15分鐘

的皮爆得好靚呀(九成啦, 仲有一成唔係好爆)！

 脆皮燒腩嚟啦！成功呢！

整完燒腩有以下檢討：

１）Airfryer整燒肉，very good, 的熱風由上而下，的皮可以爆得好靚

２）買腩肉, 唔需要五層, 三層就ok, 如果肉檔唔肯切, 返嚟自己都要切咗佢, 多出的肉可作其他用途, 如剁肉餅或滾湯都可以。

　
３）最後15分鐘爆皮時應繼續包著錫紙, 底層嘅肉就唔會焗到乾哂！

下次買腩肉可以跟個爐嘅大細買一件正方形大的嘅腩肉，多的人食都夠。

今次呢嚿燒腩, 我同型爸都食唔哂, 我將底層瘦肉嗰部份切咗出嚟, 留番第二天煲湯.

嘻嘻, 全瘦嗰部份無咁好食麻, 聰明兼慳家，kakakaka！

五號屋大閘蟹餐

October 19, 2013, Saturday Night

今日下午好忙呀, 本來諗著同型爸一齊出去同林老闆買蟹, 但最終我都唔出去啦, 因為要整五個冷盤小食.   整完鹽水毛豆, 跟著係涼拌陳醋黑木耳, 跟著拍黃瓜, 跟著蒜泥白肉, 跟著無骨口水雞, 做到我團團轉.   快的整好放入雪櫃, 咁一陣就可以坐定定同大家一齊食蟹啦.

六點幾, 啱啱想休息吓, 型爸已經買咗蟹返嚟, 我已經好攰, 要型爸幫手洗蟹. 

林老闆同型爸去了九龍城上海新三陽買蟹

太湖, 陽澄湖正貨, 天天運到, 唔知係咪真呢!
 

12隻公, 12隻母, 共24隻

 

買了十年陳紹興(加飯酒)

 

共3枝, 先加熱

 

跟著set 檯

 

 

呢套就係五號屋嘅大閘蟹食具


跟著就要調個醋, 我喜歡搾薑汁

我好喜歡呢的粒粒嘅brown sugar, 想叫型爸攞多兩包, 但佢地比得4包咋
 

 薑汁加糖加鎮江醋....試吓味先...好味呀!

 

七點半人齊, 先蒸十隻公蟹, 呢個時候就食我整嘅五小碟先啦.

鹽水毛豆, 涼拌陳醋黑木耳, 拍黃瓜, 蒜泥白肉, 無骨口水雞.    今次的口水雞好受歡迎, 林老闆話點解咁細碟...吓, 成隻雞啦.  出面食, 半碟都無呀.... 下次整要整夠兩隻雞呀!

嘻嘻, 基本上佢地話款款都好味, 最後當然係碟碟都食哂啦.  梗係啦, 的蒜泥白肉的醬汁同口水雞的醬汁都加料泡製呀!

今次蒸蟹無用蒸爐, 因為蒸爐火力細只有100度, 蒸蟹要三十分鐘.   我今次一次只需蒸十隻, 將蟹洗淨反轉加上紫蘇葉 用鑊猛火蒸二十分鐘就可以.

 

公蟹蒸好, 食時就去蒸母蟹, 呢隻蟹一的都唔細呀!

 

的膏爆咗的出嚟

 

好多膏呀, 的白膏超正.
 

食完公蟹, 隻母蟹已經得啦, 又係好多膏, 不過母蟹的羔係橙黃色.

人地話九月圓時十月尖, 咁而家應該食公啦.   不過我覺得而家嘅大閘蟹無好耐以前的大閘蟹咁香咁好味.   以前食完雙手好大陣味, 要用牙膏去味, 但而家食完淨係用潔手液洗吓手就得.

3枝紹興酒8個人飲, 真係唔夠喉呀, 下次一定要夠買5枝.   在杯內加入話梅再倒入加熱了的紹興酒, 浸一陣等的詰梅出味, 的酒好好飲呀!

型爸佢地飲完唔夠喉, 繼續飲whisky.

食完蟹就食水餃, 雲吞, 魚皮餃, 都係响九龍城買番嚟, 每人共吃六隻, 好夠呀!  不過當時實在太忙, 唔記得影相呀.

個大閘蟹餐未完架, 仲有最後一樣, 薑茶湯丸.


先切多的薑, 用水浸著, 再煮滾出多的薑味.


最後加的糖, 我落了兩包

 

的薑茶糖水煲好啦.  一定要煲多的, 因為個個都會encore.

 

用另一個小鍋煲滾水用嚟煮寧波湯丸... 煎後煮咗36粒呀!

 

的薑菜好濃呀!  食埋呢碗薑茶湯丸, 我們這餐大閘蟹餐, 非常完美呢!

哈哈, 唯一美中不足的就是型爸去買蟹時吃了牛肉乾....那張牛肉乾十分不好味啊!