五號屋的部落

2018年7月2日星期一

南涌谷埔鳳坑

Jun 24, 2018, Sunday

昨天整天下雨(滂沱大雨加上雷暴警告), 真係無諗過今日早上天色晴朗, 可以如常出發去行山.哈哈, 不過總會有些爛瞓豬唔想行, 所以今天只有六人成行.

下雨後山路泥濘,好多條徑都唔想行, 選到最後都行鳳坑谷埔...上星期預上每年一度的大潮, 水漲蓋過跆徑行唔到, 今日又去睇吓點先.

些次第一個水浸位(輕微, 只有幾寸), 今日一的事都無啦.

個燈柱小碼頭都無浸啦.

上星期浸過膝的路徑已恢復原狀

上星期拍的照, 一大段浸到見唔到路

上星期宋伯士多那邊的水閘滿潟, 水仍不斷從外湧入

今個星期水閘露了出來, 水由入面流出外面

行到去松記見到楊老闆推緊的海鮮, 今日有蜆, 珍珠蚌, 黑海鱲....哈哈, 組長又食指大動, 好啦好啦, 又食個早午餐啦.

大蜆, 真係好鮮甜呀!

珍珠蚌

今日整得熟咗的, 無上次咁靚呀!

要咗半隻鴨, 真係幾好味

呢條黑鱲真係好鮮甜呀!

仲有豉油皇炒麵同埋炒菜心.

埋單HK$700, 每位都只係HK$120....食得好開心呀!

不過食完再行時就覺得好攰咁...回程嗰百幾級樓梯....好索氣呀!

返到屋企一點幾, 梳洗完休息兩小時, 又要出發去買餸....

咦!好似有的餓喎, 係喎, 今朝十一點幾食咗海鮮.....唔..咁就去tea啦.

呢間阿Be茶記, 响上水新祥街10號, 上次帶狗狗去pet shop 沖涼, 嚟食過一次, 覺得ok喎!

今次試吓個豬扒包, 唔錯喎, 個脆豬好脆呀!

另外仲有一份雙層西多士...

食到一層係花生醬, 另一層唔知係咩呢...

相比起, 豬扒包好味的.

經濟下午茶餐, 豬扒包只係HK$28, 西多士餐HK$30.

食到飽飽, 今晚晚餐唔使點食啦.

2018年6月30日星期六

冷餐

June 21, 2018 Thursday

天氣熱, 今日來過冷餐...冷冷冷...好冷呀!

呢碟阿拉斯加蟹腳, 唔使煮的. 鄰居在海森威買回來, 只需解凍, 我整了個鹹牛油加檸檬, 醮來食就可以.

呢個係明太子冷烏冬.....我心急得制忙了將熱水浸開了的烏冬過冰河就撈的明太子落去....唯有即刻放入雪櫃, 食時再攞出嚟.

芒果大蝦紙米卷

冷冷冷....好冷.

哈哈, 個胃好似唔要咁冷喎....要搵的暖野先至得....

即刻整個南瓜忌廉湯(礶頭南瓜湯加水加忌廉).....個胃當堂暖哂!

2018年6月28日星期四

芒果大蝦紙米卷

Jun 21, 2018, Thursday

星期六買咗幾個芒果想包紙米卷, 星期六日無响屋企食飯, 的芒果放咗幾日, 夠哂香啦, 今日一定要包啦.

越南買的米紙, 數數吓有三十塊

芒果去皮切條 (用了三個芒果)

Cindy 幫我切了甘筍絲青瓜絲...的絲長咗的喎.

另外仲有粉絲 (先煮腍再過冷河)

熟了的大蝦, 加了少許鹽及黑胡椒

齊料可以開工

米紙浸軟

粉絲放底, 再加入其他配料

頭兩個包得唔係好靚因為Cindy的絲切得太長. 跟著我將的甘筍絲青瓜絲剪短, 咁就容易包好多啦.

其實呢個米紙卷係無咩味, 所以要調個汁醮來食.

醬汁: 蒜蓉, 辣椒, 魚露, 醋, 糖, 水...調一個啱自己口味嘅汁啦.

食後感: 的芒果好甜, 的汁係鹹辣, 有幾個口感. 好好味又唔係, 但都算口感清新.

2018年6月26日星期二

過節

Jun 19, 2018, Monday

唔知點解個個節日都要返奶奶屋企做節, 但端午節就唔使. 咁仲好, 我地可以安排節目.

端午節梗係要食糭應吓節啦. 今年的糭大部份都係人地送, 組長送咗兩隻, 呢兩隻係同事媽媽包的. 另一位同事又一隻比我, 我又幫街市婆仔買兩隻, 整整吓都有好多隻.

今日午餐就食糭再飲埋昨天的雞燉翅湯....咦, 的螺片可以用XO 醬炒埋嚟食都得喎.

二公子話今晚去睇戲, 訂咗七點四票, 在MCL 逸峰....咁就要早的出去食個早飯, 因為粉嶺逸峰自從戲院開咗之後, 停車場成日排長籠, 到時等唔到位就麻煩啦.

五點五十分去到逸峰, 停車場唔使等位, 哈哈, 點知去到薩莉亞竟然要等位....唔係阿麻, 哈哈, 究竟係飲下午茶定食晚飯呢!

我地等到六點先有位....一入去, 原來入面嘅座位六點先開放, 可能唔夠人手呀!

二公子同型爸負責點餐, 我地四位, 點了好多野食.

白湯紅湯都有叫, 價錢雖說平, 但味道都唔錯呀!

三文魚生菜沙律

蘑菇雞肉芝士pizza

牛油蒜蓉焗田螺

要了一古芝士包, 一客蒜蓉包

芝士焗菠菜

芝士煙肉長通粉....二公子係芝士控, 咩都叫芝士

雞翼

炸蝦小食

價錢真係好平....未叫完呀....跟著要多個西冷牛扒, 都只係HK$69...咁當然唔係咩野靚牛扒啦, 但咁嘅價錢, 唔好預期的咩啦.

食完晚飯都只係七點, 仲有時間行吓企吓先去睇戲呀!

今日睇Jurassic World : the fallen Kingdom....幾好睇呀! 最好就係上星期六無線明珠台播完上集, refresh 咗的memory.

睇完呢套, 又要等續集....的恐龍走哂出嚟, 咁點攪呀! 仲有"人做人"小妹妹......

2018年6月24日星期日

父親節晚餐 @ Cook House

Jun 17, 2018, Sunday Night

有時真係無獨有偶, 上星期六林太生日, 我地嚟Cook House 同佢慶祝, 當時林生有請埋二公子, 但二公子約了同事食晚飯所以無join我地.

點知我問佢今日訂咗邊間餐廳同Daddy慶祝父親節, 點知佢話上Open Rice 訂咗CookHouse, 佢話睇咗食評的食物唔錯, 同我地去試吓......哈哈, 我同型爸嚟呢道食過三次啦.