海鮮粥底火鍋麻辣雞鍋慶週年紀念

July 8, 2018, Sunday

今天是我和型爸的結婚週年紀念, 型爸都有提出不如我地去邊間邊間食西餐啦, 又或者去鯉魚門, 西貢或流浮山食海鮮.... 哈哈哈, 我全部都無咩興趣....食牛扒食得太多, 唔係好想食, 去鯉魚門, 西貢或流浮山食海鮮的話, 今日只有三個人, 叫唔到幾多款, 可能會比人斬到一頸血....咁我作出一個提議...在家食海鮮粥底火鍋... 型爸拍掌叫好, 佢好鍾意食火鍋呢!    其實在我心裡係晚上唔想出去, 呢排成日落雨之外, 仲有今晚兩套電視大結局, 我想留在家捧吓場呀!

呢個幾合一蒸鍋韓燒爐, 買咗返嚟淨係用嚟食過韓燒, 今日先係第一次做粥底蒸鍋.

在家食, 買海鮮可以每款買少的但款式就可以多的.

鮑魚, 貴妃蚌, 帶子, 海中蝦, 大蟶子, 龍躉腩肉, 鬼爪螺, 兩款蜆

我唔飲得....型爸係咁意陪我飲Apple Cider       

二公子唔鍾意食粥底鍋, 為咗佢整多個辣雞煲鍋

煮好落鍋就加的芹菜先

另外仲有手切肥牛同各款丸啦

預咗咁多野...都只係三個人食...加埋Cindy都只係四個人

仲有呢款魚麵, 諗著食完雞煲, 加落去炒炒炒呀! (好似去高佬明嗰道食咁)

海鮮蒸鍋第一時間先食蜆, 鍋底唔加米著, 等蒸好的蜆睇吓有無沙先 (間間海鮮檔都話自己賣的蜆無沙), 我地唔想落咗米的粥底有沙咪麻煩.  如果真係有沙, 我地可以唔要的水, 再煮過新的.

哈哈,今次又真係無呃我地喎, 的沙白蜆雖然細少少, 但非甜, 的大隻花蛤都好好味...正呀!

食完蜆就到本地龍蝦, 買時隻隻生跳跳, 叫海鮮檔幫我劏埋....好味, 非常鮮甜...

我地淨係挑起的似嚟食, 而龍蝦殼及頭就放落粥底煲海鮮弼

跟著就蒸其他海鮮啦.  除咗的帶子我覺得唔好之外, 其他樣樣海鮮都好好味呀!

咁多野都預咗食唔哂, 我地雞煲食咗一半, 其他肉類留起, 先食哂的海鮮....真係好夠好夠好夠呀!

但係幾夠都好, 粥底火鍋嘅海鮮粥唔食唔得.....加少少鹽, 超甜呀!

今餐大家都好滿意, 二公子都食咗好多海鮮....

食完就可以他他條條坐响道睇大結局啦. 

屏山跑車餐廳

July 5, 2018, Tuesday

放工返到屋企, 兩隻寶貝已經係咁對著我嗚嗚嗚....兩隻野肚餓呀! 

餵好兩隻狗, 二公子同佢女友, 請我出去吃晚飯....哼哼哼, 型爸你今晚飛咗我地同朋友出去食飯.   哈哈哈,今勻係我地飛你去好野啦.

去咗元朗屏山跑車餐廳

响餐廳對面就泊咗架好型嘅跑車

哦, 原來呢棟古舊的建築物係一間書室- 凱進書室....有機會下午嚟睇吓.

入到去餐廳, 的坐位用跑車櫈改裝.  的櫈肥人坐落去會覺得很迫夾

餐檯就用條link改裝,上面加塊玻璃, 咁就係餐檯

牆上的海報, 都係同跑車有關

睇吓menu有咩食先....

餐廳食物以西式為主, 今日由兩位後生發辦啦

佢地要咗一個二人餐, 跟著加多一個意大利飯

點完食物抬頭望一下, 上面嘅燈係紅綠燈

再望下冷氣, 見冷氣有的滴水, 但冷氣四邊出風位都裝咗播板

原來呢的檔板用嚟擋著的冷氣唔好直吹落的人客身上.

個老闆都算貼心, 呢間餐廳係村屋積, 樓底大約只有八尺, 裝咗天花冷氣其實已經好低, 如果的冷氣再直吹落嚟, 又真係唔係幾掂.

食物嚟啦啦隊

二人餐有牛角, 大家share 嚟食啦.

蘑蘑忌廉湯

蟹肉焗啡蘑菇

焗牛肋骨

賽車手pizza

二人餐都幾多野食, 兩個人可能食唔哂呀!


另外加的墨汁意大利飯

埋單HK$557....哈哈, 唔使我埋單, 佢地請我食呀!

Whatsapp的相比型爸....佢話有無咁正呀! 抵食喎...咁下次再嚟食啦.

Cindy話佢明天會返嚟....祈待呀!

華記蠔仔粥

Jun 30, 2018, Saturday

Cindy 返咗緬甸,  星期六日就係我同型爸的勞動日, 洗衫晾衫熨衫吸塵拖地清潔.....一個星期的家居清潔, 就喺呢兩日做....    家有兩隻長毛太....一屋都係狗毛...

型爸下令...唔好煮飯, 我地出去食....咁就可以唔使洗碗同清潔廚房.

其實呢幾日放工晚晚都出去食, 食到開始有的壓....今日型爸話食蠔仔粥....都好喎, 簡單的無咁肥膩

呢間華記蠔仔粥上次食過都唔錯, 今日聽到個侍應講, 呢間蠔仔粥由香港仔搬到嚟上水.

蠔仔粥(其實可以叫泡飯)係咁多款粥之中最貴, 要45元.  其他的大都40元

但一送到嚟, 係就會覺得45元係物有所值....睇吓的蠔仔多到...加埋個湯底, 芫茜芹菜冬菜碎...好香呀!  食落都好正...

我要了豬潤魚腩泡飯蕃茄湯底.  HK$40 味道都好好.  但相比起蠔仔粥, 蠔仔粥更惹味呀!

食一碗都已經好夠...

阿Be茶記

Jun 26, 2018, Tuesday

Cindy呢兩年都算慘, 去年爸爸過身, 今年竟然係佢老公.   雖然佢已經同老公分開了, 但始終有感情, 佢哭到眼到腫埋.    機票訂咗明天飛, 但佢今日完全不在狀態, 唔知自己做緊咩....唉, 放佢假一天, 再比的錢佢帶返去比的小朋友啦.

呢十日八日, 我地都要出街食, 實在無時間煮...呢的好小事啫.

呢間阿Be茶記, 响上水新祥街, 我地食咗幾次, 覺得都幾好喎!

雖然係晚飯套餐, 但係的小菜都係即炒, 通菜牛肉

黑椒豬扒

蔥油雞

每款都只係HK$65, 有白飯一碗, 仲有一杯飲品(或盒裝飲品)送.

的小菜唔錯, 價錢有經濟....睇嚟呢幾日可能都會嚟呢間飯堂呀!

友人家中的辣雞煲火鍋

Jun 25, 2018, Monday

型爸下午打電話比我, 今晚一齊去朋友屋食飯.    佢今日見到個老友, 老友啱啱搬咗屋, 請我地打邊爐, 仲親自整辣雞煲添.

咁有誠意, 我地一家三口同另外一對夫婦, 一齊去打攪佢.

上到去佢地屋企, 原來佢地賣咗舊屋, 買咗另一間, 但仲未入得伙, 所以暫時租呢道住.   地方都幾好架, 村屋三樓連天台.

佢地張餐檯無搬過嚟, 今日大家就用個大茶几圍埋一齊打邊爐....哈哈, 我覺得好有feel 呀!

 佢用寧記嘅麻辣醬整辣雞煲, 味道唔錯, 煮得好有水準, 我比個like佢.

食完雞煲, 跟著先食烚蜆....韓國蜆, 好鮮甜........跟著開始打邊爐啦...

 有手切牛肉

 魚皮餃

 新鮮雞什

 
 仲有脆肉鯇

 另外一對夫婦就買咗牛肉片, 牛展, 仲有一大埋飲品

 大家食得好開心呀!   今次未食完大家就講下次幾時再聚...

最驚喜係有甜品, 仲係cheese cake添.    原來朋友的太太在梁九記買的日本cheese cake....好好味呀!   下次我都去買....哈哈, 懶到吖...咁我唔使自己整呀.

當我地講到興高彩烈時, 我地family group chat突破收到Cindy Whatsapp, 話佢要回緬甸...佢個女啱啱通知佢老公心臟病死咗.....唔係呀麻....咁大件事, 佢老公好後生三十幾歲喎...

咁我地提早離開, 返屋企睇吓佢點先....人生無常呀!