返來啦!

Happy New Year!

2018年下旬上天給了我很大的考驗, 攪到我呢幾個月心情低落, 做事不起勁.   加上煩惱事不停在身邊轉, 每樣都未解決, 攪到個blog都入咗雪櫃.

真係唔可以咁樣繼續落去, 2019 一定要Cheers up!

睇返手機, 其實都影咗好多相, 可以的話等我慢慢追寫返未寫的日誌...

November 18, 2018, Sunday

呢一日真係要記載一下....幾個星期無行山, 今次組長話行荔枝窩, 我地舉咗手, 咁就行啦....

真真真辛苦加索氣.

 

今次車泊烏蚊騰, 再行去荔枝窩, 最少要個多兩個小時....仲要先上山行斜路石級45分鐘, 我心跳升到每分鐘一百七十幾, 真係唔講得笑....唯有抖完又抖...

 

 見到呢的標牌就開心的, 因為差不多上到山頂

 途中見到呢個山頭燒到炭灰色, 好彩只係一段, 唔係成個山燒哂.

 見到呢個牌就更開心, 因為仲有十五分鐘就到.

 

行到荔枝窩, 好嘈, 見到好多人....原來有旅行團.  我諗佢地係坐船來的.

 

有領隊介紹的古樹

 

我地去年嚟過一次, 當時無影呢的排屋, 數數下呢道都有一百幾十間

 

 行到出廣場, 勁多人呀!

 咦, 全部賣的家鄉小食.   吓, 咁有無得叫小菜食飯呀!   上次嚟呢道嘅家鄉炆豬肉好好味.

 問咗, 佢地話有得食, 咁就坐低啦...

先叫的茶棵頂肚

 再買的脆餅食吓.

 

等呀等, 真係等到天長地久先到....我地只係叫咗四樣野, 炆豬肉, 菜甫炒蛋, 炒菜, 仲有一隻走地雞.   原來的餸佢地响屋企煮再運送落嚟.

的炆豬肉真係唔得, 大家都好失望, 呢的食完, 隻走地雞都未嚟, 到隻雞嚟到, 有一半係生的, 又再拎返去微波爐叮熟....隻雞超韌.   碟菜未嚟我地都唔要啦.

好野, 以後都唔使嚟食炆豬肉啦.

跟著就回程啦....除咗覺得辛苦, 真係無咩野好寫, 因為我地走回頭路回去, 之前落山現在就上山, 諗起都已經腳軟....咁耐無行山, 一行就咁甘... 加油加油.

桃膠皂角米黃耳糖水

November 11, 2018,  Sunday

家裡裝修, 很多濕碎野要買, 唔想周圍騰, 最好就網上購物啦.

雙十一買得有幾瘋狂....我就差不多花了一整天, 由零時開始就買,   哈哈都花了幾千元.   所以那咁大的銷售額, 我有份貢獻的....

買的種類多到不得了, 我連流水裝飾都訂了一個, 還要用物流運返香港呀!

淘淘淘, 真的很累...煲番個糖水潤一潤.

呢排常煲桃膠, 今次加多一樣....皂角米

呢的就係皂角米, 本來係白色, 浸一晚之後就變成透明.   呢的唔似桃膠, 唔會發大

皂角米, 桃膠, 黃耳, 仲加了木瓜, 南北杏, 冰糖

呢, 呢的就係皂角米, 好似話幫助清乾明目增加皮膚彈性提神補氣潤膚養顏

而桃膠是植物性膠質,沒有脂肪，仲話可以滋補養顏潤滑關節.   

哈哈, 咁正唔食點得.   煮好先來一碗熱食.

剩低的待涼入雪櫃, 明晚就凍食, 滑嘟嘟好好味呢!

太二酸菜魚 - 深圳國貿

Oct 26, 2018,  Friday night

家裡裝修, 很多東西要買, 包括裝修用料.   因為室外要重鋪地磚, 要上國內買廣場石.

型爸一早做選好那間店, 放工後馬上上深圳湖貝路.    卒之買好所有的地磚及牆石.   哈哈, 國內的電子支付方式, 真的比香港行得快子.   好彩我有微信支付...唔係就真係好out啦.    買材料落訂, 微信支付,  按幾個制就過數 (咁當然有手機雙重認證啦).   無需帶現金, 真係方便好多.

買完野,  我地坐地鐵去國貿站, 型爸帶我地去食酸菜魚, 佢話呢間好出名, 要排隊等位.

就係呢太二老坛子酸菜魚

去到差不多九點, 都仲有人等位.

睇吓個logo, 個樣 好cool喎!

睇吓呢個牌, 多個四人唔接待, 自己分檯坐啦.

睇吓平時排隊條龍, 要等咁耐我就唔等啦.

等咗十幾分鐘有位.   入座首先要用手機開佢地個App.

跟著全部手機落單.... (如果老人家無智能手機咁點呀!)

檯面仲要醒你....不要玩手機, 認真吃魚.

如果要吃白飯, 都係要用手機落單

落單後, 就會打番一張單出嚟確認

跟著型爸去沖一杯免費飲品, 教哂點沖

陳皮洛神花熱飲....好好味架.

要了蛋酥軟糍粑, 叫時唔知係咩, 食落原來係炸年糕

酸菜魚嚟啦....我們加了紅薯粉, 所以無叫白飯

的魚肉真係好滑呀!

不過的薯粉只得好少

呢個酸菜魚幾好味, 但又唔係好食得要排隊等咁耐囉.

食完比番張收條確認.

杯飲品好味, 再去整多一杯, 落多的料.

跟著响手機做埋會員, 睇吓下次會唔會有機會再嚟. 

華記蠔仔粥泡飯專門店

October 24, 2018,  Wednesday

上次同的行山團友去三門仔皇友潮漁港飲茶, 大家都喜歡食蠔仔粥.  咁同佢地講起上水有一間, 以前叫香港仔華記, 咁大家上Open Rice search 啦, search 唔到, 話結業.   明明最近去食過, 今日就專誠去幫襯, 證實無結業.

睇清楚招牌, 係華記, 前面無香港仔掛頭, 唔怪得search 唔到.   不過我試過淨查華記都係搵唔到.

search 唔到無問題, 有得食就得啦.

侍應見我影相, 問我係咪叫外賣, 即刻比外賣紙我.  哈哈, 配場食啦.

蠔仔泡粥 HK$45, 真係好多料...不過今日食落有的唔同咗, 的粥唔似泡飯, 腍咗的似廣東粥, 仲好似少咗的冬菜.

芫茜皮蛋豆腐魚片泡粥...哈哈, 兩款味道都有的接近, 相信係同一湯底.

的泡粥幾好味....會唔會落咗師傅....不過食完又唔係覺得好口渴....

都會久唔久嚟食吓.   每人一碗泡粥真係好夠.