素鵝

February 2, 2019, Saturday

今年農曆年初一是星期二,  對我嚟講係非常理想.  通常我都會同老闆提出多放兩天, 年三十晚一天, 初四一天, 加埋頭尾兩個星期六日, 足足放九天假, 爽呀!

而農曆年前要做嘅野, 可以分開三日嚟做, 唔使谷埋年三十晚做咁辛苦.

今日要包素鵝呀!  通常一次過包二十四條,  分成四份, 每份六條.   一份拎去哥哥家團年, 一份初一拎去奶奶家, 一份初三家裡團拜,  另一份老友團拜....全部安排好

五款材料刨絲/切絲 (紅蘿蔔, 脆肉瓜, 沙葛, 年藕 & 黑木耳) 炒熟調味, 待涼

調好個豉油; 生抽, 老抽, 糖, 麻油, 水,  用嚟掃落的腐皮調味.

腐皮六塊(响大埔樹記買的), 一開四, 共二十四塊.

炒好的配料先量重, 再除24, 咁就知每件要包多少料, 咁的素鵝就會件件差不多大小.

腐皮掃上豉油

落配料....包包包包

包起塊塊差不多, 跟著落蒸爐蒸八分鐘, 待涼.   用保鮮紙每三件包一份, 容易收藏.  放入冰格.

食時解凍, 用平底鑊兩面煎香

整咗咁多次, 家人都話好好味.   由其是姪女, 每次都比likes呀!

Fields Kitchen

Feb 1, 2019, Friday

對於我地公司同事嚟講, 今年農曆年初一係星期二, 非常之好, 因為通常我地都會比多兩日假期, 即係年三十及初四, 即係放足一星期.   連埋兩個星期六日, 即係連放九天.

今日農曆年前最後一天上班, 請三位同事食午飯.   秘書小組搵咗呢間小店.   真係好小, 只有幾張檯, 不設預訂, 去到等位啦.

 呢間小店叫Fields Kitchen, 東海中心地下.   去到睇的餐牌, 好經濟喎.   咁想再叫其他小食....唔好意思, 無得供應呀, 因為廚師加侍應只得兩位, 真係多的款式都做唔切.

 呢款係菠菜三文魚千層麵, 味道好好呀!

特色卡邦尼意粉 - 好味

 松露雞絲雜菌意粉

 呢款係芝士流心蛋肉醬鴨胸飯....幾好味呀!

 午市套餐包一杯飲品, 凍飲加$2

要餐湯加HK$20.

Overall, 款款都好好味呀!  一定會再幫襯呀!

埋單HK$232, 秘書小組幫我慳荷包呀! 

紅磚屋私房菜

January 27, 2019, Sunday

今晚係我地屋苑團年的日子, 我地訂咗紅磚屋私房菜

去到地方唔算好細, 可以擺三圍加兩張細檯....好好生意喎, 全部訂滿.

今晚菜單, 好豐富呀!  每位都只係HK$350, 無加一

蟲草花燉螺頭

百花煎焗金蠔

懷舊炸鱔

XO醬帶子炒蹄筋

黃金大蝦球

生扣大班刺,

鹽焗雞

上湯浸時菜

金枝炒飯

仲有紅豆沙湯丸

今晚都飲咗唔少酒, 我地呢檯飲咗一枝一公升威士忌, 一枝紅酒, 一枝柚子酒

另外一檯就飲咗三枝紅酒, 半枝威士忌

原來佢地訂咗個蛋糕, 補祝型爸生日, 哈哈, 型爸係主席, 幾時做埋村長呢!

大家食得開心, 飲得開心, 不過我地有分寸的, 負責開車的就不飲酒.

焱丸水產 - 尖沙咀綿登徑

January 26, 2019, Saturday

今天型爸生日, 我地去咗焱丸水產同佢慶生.

呢間日本餐廳係佢自己揀的.   事源佢睇過一個電視節目介紹黑色料理, 佢好想試吓.   哈哈, 點知嚟到, 已經無黑色料理了, 因為黑色料理係萬聖節同聖誕節時做的promotion.

咁唔食黑色料理, 咪食其他唔係黑式嘅海產囉....總之係海鮮, 型爸就啱架啦.

要咗原隻魷 (磯燒烏賊)

侍應會幫我地燒架

 叫咗個大的漁師刺身盛盒

 三文魚富士山, 掀開的三文魚, 入面係夀司嚟架


燒蟹蓋, 要咗兩個不同口味, 一個係原味, 一個係黑松露. ....燒好的顏色有的核突喎.   味道一般啦.

呢個芝士魚蛋好味.

另外再叫了一客燒魚翅, 做放酒小食都幾好味.

左口魚刺身, 好味


咁少野滿足唔到型爸, 再叫多條魚

呢條就係血小鵰, 三百幾文算抵食.   頭骨加要嚟煲湯, 要HK$60

不過煲起的湯好炒, 每人一茶碗

最後要了一客芝士什錦海鮮盛

埋單HK$1737, 一的都唔貴呀!

返到屋企先食蛋糕慶祝...咁都要預Cindy一年麻.  不過今年都係買五件蛋糕合拼做一個榛子拿破崙, 因為訂唔到呀!

另外再買多一個迷你蛋白拿破崙....不過呢個蛋糕甜咗的.

睇吓呢兩隻寶貝望到個蛋糕實一實.   我地唱生日歌時, Loki仲一齊嗚嗚嗚咁唱, 而Whisk仔就好興奮係咁跳.....

型爸生日快樂!