鹿兒島黑毛和牛龍蝦餐

May 11, 2016, Wednesday Night

今日Cindy話要放假, 咁就比佢調假啦.

今晚唔想出去食呀, 我要整番的好野比型爸食呀!

返到屋企見到的玫瑰開得咁靚, 梗係要整的好野比型爸食啦.

呢塊係鹿兒島黑毛和牛, 上次去Ocean Three 買架.

睇吓幾大塊, 要出動埋我隻"肉手"就知塊和牛有幾大... 一睇就知我隻"肉手"唔細啦, 如果唔係另一隻手要揸相機, 放埋落去都差唔多呀! 

除了黑毛和牛, 仲有龍蝦呀.  放工邊有時間, 呢兩隻係急凍了的熟龍蝦, 只需要先解凍, 跟著放的蒜蓉牛油芝士落去焗就ok啦.

我仲有時間刨芝士呀!

預熱焗爐200度, 焗15-20分鐘

最主要係焗到的牛油芝士蓉就得啦.

塊黑毛和牛仲簡單, 鑄鐵鍋都唔使用, 平底易潔鑊已經得啦.  因為煎嘅時間實在太短.  燒紅鑊, 每邊只係煎大概一分鐘, 型爸仲大叫, 千祈唔好咁熟呀!

兩份龍蝦和牛晚餐, 就係咁, 無其他配菜.   的和牛好膩, 份量好夠啦.

 睇吓塊和牛有幾正, 油脂分佈均勻, 哎落去入口即溶, 同我地响大坂食嗰塊, 一樣咁好味呀!

仲有甜品呀.....

上次焗蛋撻剩咗嘅蛋漿, 今日焗埋佢做甜品

真係好香呀!

睇吓的蛋, 真係好滑架....忍唔著, 我同型爸每人都食咗兩個.

呢個時候, Cindy返到嚟...哈哈, 佢真有食神.

魔鬼芝士流心包

May 11, 2016, Wednesday

今日食完午飯, 秘書小姐送咗個麵包比我, 吓, 咁豐富, 食咁大個包做tea!

個包幾好樣架, 好多芝士, 睇吓個膠袋就知啦.

原來呢個就係Guschlbauer Devil Cheese Bun, 五層芝士流心軟包

秘書小姐話出開去經過, 見到無人排隊, 即刻買幾個.  佢話平時店外大排長意龍, 有時排半小時都未買到 (吓, 我真係背...因為一見長龍我就走).   平時一個HK$25, 買四個就平的HK$90.

今天真係食唔落, 明天做早餐啦.

麵包當然係即買即食就最好啦。但如果唔係即日食，佢地就有兩款提議食法,　熱食：預熱焗爐200度，焗兩分鐘。又或者用微波爐叮十秒.   凍食：入雪櫃冷藏, 口感猶如芝士蛋糕雪糕。

我食時無睇到佢介紹嘅方法，只係切咗一半

放入公司的多士焗爐

焗咗三分幾鐘，的芝士無流心呀！响公司，唔好攪咁多野，快的食完做野好過啦。

味道都ok, 喜歡cream cheese 的話，真係要買嚟試吓。　下次買幾個返屋企，再試幾款不同的食法啦。

新大光燈巷仔雲吞麵(尖東)

May 11, 2016, Wednesday

尖東富豪酒店隔離條巷仔, 最近開咗一間新食肆, 經過幾次見門口好似好多人, 都無刻意行過去.
今日同麻煩鬼經過, 見唔係好多人, 不如去試吓.

原來呢間叫新大火燈....巷仔雲吞麵....餐廳名好熟呀, 好似紅墈有一間喎.

睇吓有咩野食先

除了麵類, 原來仲有粥品類.

 

鋪仔細細, 侍應都有四五個.   廚房入面都有四五個廚師

一睇餐單, 我已經知道自己想食咩....

呢, 就係呢款中式炸醬麵撈麵 HK$37.  以前細個好鍾意食架, 現在好多麵鋪都無做呢款炸醬麵.   仲有嗰碗韮黃上湯我都好鐘意架.

 
 麻煩鬼要了豬手撈麵

 

另外要了一客炸鯪魚球, HK$28,即係HK$7一粒

 

埋單HK$102, 呢餐都係每人HK$51

呢道的麵都幾好食, 那中式炸醬好布兒時的味道.  下次要試吓的粥同炸兩先至得.

傷心酸辣粉

May 10, 2016, Monday

今日只得我同麻煩鬼兩個人食晏, 無慢魔魔, 我地又想去食辣.

諗起好耐都無去過傷心酸辣粉, 即刻行快步睇吓有無位.   去到唔使等五分鐘就有位.

好耐無嚟, 都要研究吓食的咩

最後決定, 要了口水雞及滷水拼盤套餐

兩款套餐都配酸辣粉.   碗酸辣粉係薯粉嚟架, 入面有花生, 炸菜, I like it.

滷水拼盤我覺得麻麻, 口水雞又ok喎

呢份餐HK$52

呢份都係HK$52

我地落單時要咗BB辣, 點知呢道嘅BB辣真係好BB, 一的味都無....

最後要叫佢地加辣, 呢的辣椒油唔好睇少佢, 一茶匙都已經好辣啦.

麻煩鬼要了凍檸茶, 只係加HK$5, 埋單HK$109.

五十幾文一餐, 算係抵架啦.

緬甸魚湯河母親節大餐

May 8, 2016, Sunday

今晚嘅母親節大餐, 為咗我唔使煮飯, 一早就安排Cindy整佢嘅家鄉食品...緬甸魚湯河.

大部份都係Cindy煮,  當我整蛋撻時, 就幫吓佢手啦.

呢的係用香茅煲嘅煮魚水

三個鯇魚, 煮熟拆肉

炸香的蒜蓉

乾蔥蓉都炸好

烚好雞蛋

呢個醬係用香芽, 薑, 蒜頭, 紅蔥頭, 加黃薑粉, 用搥盅搥成醬.   落鑊爆香

加的魚肉一齊炒

將的魚肉加入的香茅煮魚湯入面

跟著加入紅蔥頭, 水, 米粉, 鷹咀豆粉, 調味

呢一鍋就係靚靚嘅魚湯啦.

跟著仲準備咗, 炸蒸, 辣椒粉, 檸檬同芫茜

的河炒焯好先放在碗內, 加上魚湯, 再加上蛋, 辣椒粉, 芫茜及檸檬汁.   睇吓型爸夾比我嚿燒肉幾大件, 切開兩嚿就差唔多.

仲有緬甸涼拌鮮魷

組長唔想空手嚟, 整咗白焯蝦

我呢碟醜醜地嘅燒肉

仲有反炸豆卜, 炒菜.....今晚有五餸加緬甸魚湯河...七個人食, 好豐富呀!

二公子送的母親節蛋糕

型爸送我的花

很開心快樂的母親節, 亦祝福天下母親個個都健康快樂!