一日兩場燒烤

May 12, 2018, Saturday

今個星期不斷的飲飲食食, 今天又約了國內的同事來我家燒烤.  除了國內的經理, 還有兩個家庭, 秘書小組都邀請埋.  哈哈, 我都係以爐端燒來招呼他們.

他們三點幾來到我家, 一早已預備好燻蹄, 芝士, 黑水欖做小食.  秘書小組帶來了元朗老婆餅, 一到我家便開始食食食.    因為知道佢地唔好以留太夜, 哈哈, 都未肚餓就要開始燒烤.

五點幾開始燒烤, 先來一點肉類, 跟著就開始燒蔬菜

他們帶來了長的青椒, 好辣的

今次我新加了這芝士豆卜, 哈哈, 燒起來味道唔錯架!   我把豆卜剪開一點, 加入四份一塊芝士片, 的芝士溶在豆卜裡面, 好味呀!

其也唔少得嘅雞什, 雞皮, 雞軟骨

魚蛋, 墨丸, 豬肉丸牛丸.

呢款豬扒要提一提, 西班牙黑毛豬扒, 我只買了一塊, 肉質非常好, 只用少許鹽及黑胡椒醃就可以.  肉質鬆軟, 好受歡迎呀!

另外就是這個油甘魚較

麻辣腸司華力腸

多春魚, 雞肉串

仲有自家醃的辣雞翼.   當然仲有牛扒大蝦, 但太忙都唔得閒影相.  幸好他們幫忙燒烤, 我同Cindy可以抖抖氣.

吃吃喝喝Karaoki, 晚上八點他們便走, 我跟二公子開車送他們出去.

Party完結了.....未....收拾好檯面, 重新鋪好檯, 另一個party由八點半開始.....二圍用膳

今日同鄰居來開茶會傾吓下星期六的汕尾之旅....

他們坐在那裡吃吃喝喝, 我跟Cindy就做個不停, 騰來騰去又要燒烤, 大汗接細汗, 仲辛苦過行山. 下次都係唔好咁樣安排, 太辛苦了, 自己唔能夠enjoy!

天氣開始熱, 有排都唔會攪燒烤著啦.

北京老家 - 旺角店

May 11, 2018, Friday

呢個星期真係busy week, 昨晚同奶奶慶祝完母親節, 今日就輪到我媽媽啦.

四哥四嫂從加國回來, 五哥五嫂卻又去了歐洲跑馬拉松,  咁聯絡食晚飯的工作又落在我身上.   姪女提議去北京老家旺角店, 去邊都無問題, 負責接送媽媽, 都係由我同型爸去做.

去到北京老家樓下, 按電梯上樓時電梯竟然唔郁, 一的反應都無.  吓, 呢排的電梯發生咁多事有的驚喎, 但媽媽要坐輪椅, 我真係托佢唔到上三層.   好彩我都算醒目, 即刻打電話上去問佢地係咪Lock咗部電梯, 跟著佢就話佢地會落嚟睇睇.   最後有個侍應落嚟, 將電梯門大力向左手邊推了一下, 電梯就正常運作了.    侍應話呢部電梯久不久都會卡著, 有時係地下, 有時係一樓或二樓三樓, 一有事佢地就逐層check.  好彩呢部電梯只係停三層, 如果多幾層咁點攪呢!

上到去, 呢間格局同尖沙咀好相似, 裝修及地磚, 都是以中式為主.

我們被安排坐這張大檯, 有個大魚缸.  不過侍應第一時間提醒我們兩小時後要還檯.   這個沒問題, 亦都理解租金這麼貴, 當然希望可以多做一輪生意.

叫咩野食由姪女發版, 因我地咩都食, 佢兩個素食為主, 咁鐘意叫咩就咩啦.

遷就媽媽, 要了唔辣的擔擔麵, HK$68

雞絲粉皮 HK$82及麻辣粉皮 HK$70

干煸四季豆, HK$99

蒜泥茄子, HK$68

炒刀削麵, HK$88

要了蕃茄蛋餃, HK$80 及上湯雲吞, HK$98

酸辣湯, HK$98

水煮魚, HK$128

糖醋魚片, HK$118

片皮鴨一隻. HK$368

姪女好喜歡麵食, 再叫了一碗酸辣麵, HK$98

我已經好夠食唔落啦.

最後要了一客拔絲士多啤梨 HK$88及拔絲蕃薯 HK$78.   兩碟放在一個碟上面, 拔絲士多啤梨ok, 但拔絲蕃薯就唔得啦.   的蕃薯一的都唔好食.  

埋單HK$1,931.   呢餐就由我做東啦.

回程時在車上, 媽媽跟我說原來今天係母親節多謝你請我食飯呀!   我一聽眼淚差不多掉出來, 媽媽你怎麼這樣說呢! 我只可以給她深深一抱.

富臨晚宴慶母親節

May 10, 2018, Thursday

呢個星期係煩忙的一個星期.....係指個胃呀!  今個星期在外食足三餐, 跟著星期六又燒烤.....

姑奶响富臨訂咗兩圍, 哈哈, 又係挑選最經濟抵食的全包宴.   揀星期一至四食, 優惠的仲唔使迫著星期六日食. 其又係架, 可以早的食, 同一個餐無謂比多的錢, .

星期四嚟食平的又真係有道理, 平時嚟飲茶人山人海, 但今日來到, 成間酒樓大約只有六七成客.

 海蝦先上, 嘩咁大籠嘅, 的蝦好大隻

 乳豬到啦...睇嚟都唔係一隻.  哈哈, 睇吓斬件, 每邊12件...邊有咁啱架.

 呢碟菜麻麻, 近期的菜心唔靚, 呢碟咁平價, 的大廚唔該換第二款菜啦...

 碧綠龍鳳球, 個名咁好聽, 咪即係西芹炒雞球蝦球囉.

 
 竹笙海皇燕窩羹

 百花煎釀茄子

 清蒸海斑

 蔥油雞

跟著仲有蒸菜肉包, 甜品有桂花糕

所有菜式, 全部都係大眾化的家常菜式, 無貴價野.   咁嘅價錢, 免加一茶芥, 仲有八礶汽水(我地呢圍唔要啤酒), 的餸大大碟, 多人家庭晚飯團聚, ok啦, 好過自己煮呀!

Anchor's Seafood & Beer House - The Bay Bridge Hong Kong 汀蘭居

May 7, 2018, Monday

做阿媽嘅, 有咩開心得過阿仔請食飯.  二公子訂咗位, 今晚提前慶祝母親節, 去食自助餐呀!

其實我真係唔鍾意食自助餐, 但阿仔請到又好耐無食過, 咁梗係唔出聲, 阿仔話食就食啦.

呢間Anchor's Seafood & Beer House, 位於新界荃灣區汀九青山公路汀九段123號的酒店 - 汀蘭居.   開車就經過幾次, 但都係第一次嚟食 Buffet.  

見到門口個牌, 母親節有優惠, 每四個大人, 一個母親免費.   哈哈, 咁即係四個男士嚟就無呢個優惠?

我地三個人, 呢個優惠都攞唔到, 但我地嘅優惠更吸引.   經Open Rice 訂檯, 19:45 後時段, 有6折優惠....哈哈, 就係有呢個優惠, 咁先嚟食呀!

我地被安排坐在呢沙律吧同魚生檔前面呀!   咁攞野食都好方便

周圍貢吓睇吓有咩好食先...

呢個Corner主打攞熱葷...哈哈, 通常都唔啱我

一入到去見到有個counter排長龍, 原來係排緊攞即開生蠔.   貼著嘅另一邊係攞魚蛋粉, 粥及牛肉

餐廳嘅入面係攞窩夫

甜品

行咗一個圈, 全部無咩特別, 都係一般自助餐

咁唔想排隊, 就先去攞魚生及巴馬火腿

的魚生只有四款, 我每樣要了兩片, 的魚生無咩味.   攞咗芝士餅乾, 不過的餅乾已經腍咗.

型爸整咗Ceasar salad

二公子攞咗生蠔, 每次只可攞兩隻, 一隻Iris (大), 另一隻細嘅係美國蠔...好似發育不良咁嘅, 美國蠔通常唔係大隻的咩

跟著我地擮咗凍蝦, 螺, 生蠔, 都係每款一隻, 今次的size正常的.  食落Irish好味過美國嗰隻.

 
跟著再攞多兩隻, 今次兩隻都要Irish, 開蠔嗰位阿叔, 都係比一隻發育不健全的.

 

熱的東西只要了花膠雞粥, 雞肉就好多, 花膠就食唔到有.   另外再要了四粒魚蛋加一塊牛肉拌芽菜.

 甜品只要了一嚿豆沙西米盞及一個馬卡龍, 其他的都唔吸引.

二公子要了Vanilla 雪糕

我要了Panna Cotta.  型爸就話夠了唔食啦.

埋單真係有六折, 佢地收HK$438一位, less 40%.  而加一就要跟原價收.    咁平咗五百幾都算多.

咁我問侍應點解Open Rice 上面有個$327嘅晚市價錢, 佢話呢個價錢係原價的七五折. 

其實嚟之前我地都無留意幾多錢一位, 二公子話六折就嚟試吓啦.

食完都係嗰句, 唔鍾意食自助餐,  比咗錢又唔想蝕, 呢的食的, 嗰的又食的, 好易食過量.  但的野食又唔係好好味, 只係普普通通的自助餐.