呢個月, 都有兩次又去泰國人餐廳食晏, 其實我地都開始覺得麻麻, 算係比多兩次機會, 不過似乎有的失望.....
第一次嚟幫襯時, 都有的新鮮感, 第二次嚟, 已經開始有的問題, 覺得每樣食物的味道都差唔多
呢一碟係佢地嘅招牌炒飯, 的味道同我地上次嘅鹹魚雞粒炒飯, 只係呢碟係豬肉, 上次係用雞肉加鹹魚
呢碟香葉炒牛河,第一次食嗰時好好味, 第二次嚟成碟都係配菜, 十幾條粟米仔, 十幾條豆, 三嚿牛肉, 少量粉, 完全不合比例. 第三次嚟, 我地已經同老闆交帶聲上次嘅問題, 老闆話可能係廚師放假, 負責執料嘅幫廚無做好. 今次應該唔會. 但今次嚟到, 分別唔係太大, 粟米同豆無咁多, 但的粉同牛肉只係輕多咗的, 同第一次相差好遠. 但味道略甜.
呢碟大蝦金邊粉就同上次食火車頭炒飯又係差唔多, 其實食落都有的同香葉炒河差唔多, 又係略甜.
今日呢餐我地三個人都食唔哂, 兩位男士都唔係好想食埋佢, 其中一個話完全無一的想再嚟食嘅感覺
還好, 呢杯椰汁紅豆冰尚可以.
其中一個同事已經話咗好失望, 唔想再嚟. 呢道的野好濃味, 炒起仲幾肥膩, 都係少食為妙. 咁又唔需要絕對唔嚟食, 好久唔久嚟一次都無問題嘅.
沒有留言:
張貼留言