越瀧棧 - 粉嶺

Sep 3, 2018, Monday

昨天食茶木台灣店...今天食越南店....希望明天有住家飯食.

呢間越瀧棧响粉山嶺新漢記隔離, 我地只係經過入去試吓.

要了海南雞飯及一個二人套餐....呢份餐很快便送到, 但其他菜呢....真係等到天長地久.

粉包都幾好味

馬拉盞芥蘭, 都幾好味

咖哩牛腩到咗, 但配法包就遲遲都未到.....  最後等咗成三十分鐘先到...

要了兩杯三色冰...每杯加HK$10

埋單算經濟...HK$275.  三個人食, 每位唔使HK$100.   不過等的時間太長, 有的無癮.

茶木

Sep 2, 2018, Sunday

連續三天, 不停的在家清理家居什物, 點算損失....每天都做到筋疲力盡...飯盒快餐店食足三天....大家都話今天唔想再食快餐....結果去咗茶木

呢間茶木在上水中心....要排隊等了二十分鐘

見到呢兩樣都好吸引....未入座已經叫侍應訂定個甜品

睇餐牌, 最吸引都係甜品

我們要了肉躁雞扒飯

蠔仔泡飯....menu 好大出入

呢個買色冷面先大分別, 如果menu show出嚟好似實物咁, 我唔會叫囉.

味道就是普通的麻醬撈麵

最開心就係食個甜品....苦中的一點甜

埋單HK$303...哈哈, 免費泊車兩小時.   慳番幾十文都好!

Big Big Cafe - Kerry Hotel

August 31, 2018, Friday

屋企有事當然唔開心, 但又唔可以帶的情緒返公司.

今日公司有function, 作為節目主持人, 點都提起精神開開心心對著的同事

老闆想提升士氣 (雖然佢不在香港), 我地攪個lunch buffet, 跟著再去打保齡.

Lunch Buffet 訂咗Kerry Hotel 嘅 Big Big Cafe.

的食物唔錯, 同事都食得很開心.

呢兩款甜品呢道幾出名架....哈哈, 不過我有的食之無味.

食完大家一齊去打保齡.....

公司同樂日....大家都好開心....

我呢.....掛著屋企間泥漿屋....急急回家, 有排清理.

受災

August 29, 2018, Friday

心情很低落低落再低落.....

天災有時真的避不了,  搬到這裡十年了, 從未試過水浸得那麼利害.  八月二十九日下午, 黃雨紅雨再加上外面的明渠塞了, 把我們的屋苑變成澤國.

當時仍在上班,  Whatsapp 不斷傳來消息

 道路變成河流

 我家的車對面屋的車, 還有組長家的車.....全都浸了

我家後園......看看水中的旋渦....


屋內已浸過梳化....當時Cindy及二公子在家, 他們已盡力搶救, 但可惜欲救無從.....

地下那層跳電....地下的傢私電器全部報銷....可幸人及狗都沒事.

浸了三四個小時, 到晚上水退了, 可是外面封路, 要等到晚九時多才通了一半路回家.....買了飯盒救濟Cindy及二公子.

回到家看到全屋地下滿是泥濘....欲哭無淚...

但已成事實....不想太多....明天再算.

慢煮牛扒

Aug 25, 2018,  Saturday

Cindy 今天放假, 晚上只有我同型爸兩個撐檯腳, 今日一於食牛扒啦.   見到枝慢煮棒, 今日又慢煮呀!

我問型爸, 要飲湯或加咩野配菜...佢話唔使飲湯, 唔使配菜....吓淨食... 以佢嘅食量, 淨食要兩塊先夠喉呀!

 呢款係日本的雪花肥牛, 解凍後先用廚紙索乾的水份

 跟著兩面灑上海鹽上及黑胡椒, 再zipper bag

 今日有點錯誤, 預熱水時無測水溫就放咗的牛扒落去, 太心急了.

 到我set 好枝捧, 的水溫由四十幾升到去六十幾度, 用咗好幾分鍾先升到63.5 度

 咁即係煮時間可能耐咗...不過唔整都整咗, 慢煮溫度低, 希望唔好咁大影响

 20分鐘煮完, 外面睇熟哂

將牛扒夾出來用平底鑊大火每面煎了三十秒 (本來要每面煎一分鐘, 我將時間減少).

 煎起睇落好得呀!

 型爸飲Whisky, 我飲梅酒...飲杯!

 的牛肉好得呀!   呢款雪花牛非常有牛味!   型爸比likes 呀!

食完牛扒仲有甜品....

日式芝士蛋糕....哈哈, 梁九記買的, 解凍就食得.

呢餐慢煮都唔算慢, 20分鐘, 絕對接受到呀!   哈哈, 今日覺得枝慢煮棒有用呀!