五號屋的部落

2011年12月26日星期一

客家好棧 - 媽媽生日

2011年12月26日下午11:25公開累積瀏覽 85 2

December 23, 2011, Friday Night

今日下午先食完一大餐, 晚上又食. 二哥從加拿大回來, 26號就要走, 今日提前同媽媽慶生日, 上次同奶奶食完, 覺得好抵食, 即刻訂定今日兩圍, 預訂仲比間廳房我地.

嘩! 真係人多, 全場爆滿, 我地訂咗食八點, 去到都要等一等位.

我地都係預訂呢個餐, 唔知係咪預早及即落訂, 每檯仲減二佰, 超抵呀! (後記修正: 原來係每檯減一佰, 兩檯減二佰, 我攪錯咗)

炸蝦球

散叫都要hk$688嘅飽魚節瓜甫.

西芹炒豚肉

竹笙海皇燴花膠

薑蔥蒸左口

煎大蝦

杞子魚滑泡青菜

清遠雞

客家米粉

糯米飯. 上次嗰碟糯米飯靚的喎, 仲有花生鋪面, 今之呢碟好次比人減咗一小半. 無法, 佢地實在太好生意, 的俄應傳菜呀都做到踢哂腳.

我地再加咗每圍一打壽包...

仲有糖水,, 不過唔記得影, 呢碗係上次影架. 今次食就無咁好彩啦, 剩係得糖水, 無渣, 唔知係咪因為食八點幾呢.

不過咁多野食, 仲包兩枝啤酒, 6礶汽水...

雖然唔係咩野名貴菜式, 但我地咁多人, 呢個價錢, 可能平過自己煮呀!

December 23, 2011, Friday Afternoon

都唔知點解, 昨晚成晚都咳, 咳到瞓都瞓唔著, 唔止我喎, 型爸都係. 究竟係放狗時著唔夠衫冷親定係咩呢. 諗吓諗吓型爸話倡唔會昨晚餐後飲咗的單叢茶. 覺得清香好飲, 飲咗好多杯, 飲吓飲吓, 好似有的喉癢癢, 跟著開始有的咳. 呢的茶偏涼, 我體質偏寒, 可能唔係好適合我飲. 但型爸都有的咳, 我就覺得有的奇怪, 佢真係可能咁凍放狗, 無帶頸巾....下次真係要加件衫先得啦. 唉吔, 放假唔想病呀, 快的食的止咳藥頂一頂先.

今日好開心呀! 返半日咋, 老闆比咗半天特別假期, 下午一起食Christmas Lunch, 跟著開始放假, 連續四天半, 真開心.

我地訂咗The Mistral, 包咗半個場, 今次揀呢道, 因為覺得呢道嘅semi buffet lunch幾好, 好想的同事試吓.

今日餐廳好多人, 除咗我地五十幾人, 應該仲其他公司訂咗位, 的沙律吧食物去得好快, 但refill都好快

人太多, 都唔方便影相.

咁就影吓自已檯面嗰的啦, bread stick, 我鍾意呀!

我的第一碟appetizer

第二碟, 食完已經開始飽啦!

今日我地有五款主菜可以選擇, 除咗牛仔肉, 幾款我都可以影到相.

呢碟係海解意大利麵

野菌意大利飯

甘欖菜銀雪魚

薄pizza, 呢個pizza好味架, 我叫咗同另一個同事share. 不過我都分咗四件比人. 自己食兩件都已經好夠啦.

甜品都有好幾款選擇

但係都無咩心頭好

最終都係揀咗一件藍梅芝士蛋糕.

最後叫埋杯cappuccino, 好滿足呀!

大家都食得好開心! Merry Christmas!

2011年12月25日星期日

Armagnac Ducastaing 法國陳年XO

2011年12月25日下午11:28公開累積瀏覽 87 1

December 22, 2011, Thursday, 冬至夜

今日一定要介紹吓呢枝酒, 個樣好特別架.

呢枝酒主人家1997年從馬會購入, 馬會當年好似係限量發售.

比個close up睇吓張招紙, 係法國陳年干邑, 紅色係馬會sealed嘅標誌

枝酒係用螺絲用個扣上實响個架到.

架下面刻上Armagnac Ducastaing

真皮扣, 陳年嘅痕跡

成個架就係咁啦!

枝酒太陳年, 一開木塞已碎, 但佢地話的酒香撲鼻, 未飲已先醉

因為木塞碎了, 佢地用咗呢個銀過濾器將的木塞碎隔開

個過濾器係咁架

呢塊係塊過濾片

呢, 就係咁嘞, 好型架.

過濾完嘅酒就放入呢個樽道

咁我地就慢慢品嚐啦. 連我呢個唔識飲酒嘅都覺得好正酒香撲鼻. 平時淨係鍾意飲紅酒唔喜好飲干邑都話十分之正.

呢的酒飲一支少一支, 有幸飲到呢支酒, 真係多謝主人家嘅慷慨.

冬至晚餐後的小聚

2011年12月25日下午10:20公開累積瀏覽 56 1

December 22, 2011, Thursday Night

在奶奶家做完節, 立即返屋企.

預備咗少少禮品送比八號屋, 返到屋企未入屋就先攞過去, 而型爸二公子就去照顧吓Loki. 點知去到八號屋, 佢叫我地快的入嚟飲野傾吓謁啦.... 我話好好好, 不過要比我地返去見吓Loki按撫吓佢的情緒先.

返到屋企比的野佢食, 二公子話佢負責去放狗, 咁我同型爸就可以去八號屋飲吓野....

八號屋同三號屋一齊做冬呀! 佢地兩pair人食飯, 好enjoy! 我地去到, 呢地已經食緊飯後甜品. 呢款好似馬卡龍, 但食落一的都唔似, 有雲呢拿同朱古力味.

仲有呢盒勁大盒嘅朱古力, 盒面寫著百花齊放, 入面真係有一百粒朱古力呀!

佢地今晚飲咗支靚酒呀! 呢枝係1995年嘅法國紅酒, Grand Cru Classe...好野嚟架, 有九十幾分, 不過嚟到已經飲哂啦!

另外呢枝係陳年法國XO, 我地有幸飲得到呀!   容後再介紹.

不過型爸有的心神不定, 掛著Loki, 驚二公子放佢唔掂.   結果我地班鄰局一齊揸住杯酒, 陪我地一齊放狗...Loki好得佢地歡心呀!

今晚好凍呀, 放完狗送Loki返屋企, 我地又出去繼續, Loki就唔開心啦!   到我地返屋企, 叫佢都唔理我地, 仲唔肯跟我地上樓...由佢瞓地下啦.

2011年12月24日星期六

Panna Cotta 意大利奶凍

2011年12月27日下午11:35公開累積瀏覽 238 0

December 24, 2011, Saturday, 平安夜

今晚我地要去Mrs Kua 屋企食聖誕大餐, 好想整番個甜品. 知道今晚一定好豐富, Mrs Kua都會整甜品, 我明白佢嘅心意, 比一個full course 嘅Christmas Dinner我地. 但我又想出的心意, 所以整一個輕量的啦.