五號屋的部落

2013年11月25日星期一

Yen xpress Teppanyaki

November 20, 2013, Wednesday afternoon

今日同同事去咗太古城attend 一個seminar . 大約十二點幾就完成. 嗰位trainer小姐話太古城food court的野都幾好食, 叫我地去試吓.

同事話好少機會嚟太古城, 過開嚟不如就試吓啦.

一去到food court, 見到有家鐵板燒, 有位唔使等, 就呢間啦.

呢間叫圓鐵板燒, Yen Xpress Teppanyaki, 快速, 即係快餐啦, 又未食過鐵板快餐喎.

呢個lunch menu, 我地三個人, 叫了D & E.

好大嘅鐵板餐檯, 但只有兩個女廚師

坐落每人一碗湯

我地坐的位置前每人放一張錫紙代替隻碟, 突然放一份菜比我同事, 應該係佢大量炒作時多咗一份, 咁我同事即時有得食.

每人一小份煙肉炒蛋

一碗白飯

嗰位廚師小姐真係炒到唔停手, 炒完的芽菜, 先到炒我地嗰份呀!

牛肩先來, 一份三個人share, 每人幾粒咋

多春魚就每人有三條

一塊龍脷柳又係分三份

雞扒就多少少

夾埋夾埋都夠送飯嘅

最後女廚師先炒菜, 又係大堆頭

每人仲有一杯蜜桃蘆薈茶

埋單加一小帳HK$260. 每人八十幾啦.

的野食普普通通, 咁鐵板快餐係咁上下啦. Good try.

2013年11月24日星期日

美味中越餐

November 19, 2013, Tuesday Night
請了幾天假去韓國, 今日返工, 真係忙到頭都暈, 的野係我做嘅就點都會等到我返嚟先處理.
哈哈, 咁樣係好事定唔係好事呢. 下星期又要出差, 仲有排忙呀!

差唔多下午四點幾, 收到鄰居whatsapp的美食....唉吔, 佢地又嚟lady's lunch 啦, 嗚嗚, 通常lady's lunch我地無份參加, 有時佢地久唔久會改為lady's night就吓我.

佢地whatsapp嚟引我, 咁我梗係叫佢地有剩就留的比我試吓啦..

返到屋企, Ruby已經煮好飯.

有煎芝士薯餅

鹹魚蒸肉餅

仲有蓮藕花生眉豆豬骨湯

哈哈哈哈, 仲有呀.....

越南春卷, 有哂生菜青瓜九層塔同醬汁, 我放人焗爐焗吓就得啦.

仲有越南蝦沙律

意外的越南小食, 係的鄰居lady pack起仲外賣速遞添呀!

仲唔止...食食吓有人按門鐘

又嚟外賣速遞, 十一號部屋女主人整了茶果, 仲整熱埋叫我即刻食

睇吓我今晚幾豐富....真係多謝各位lady, 等我參加唔到都有得食.

呢的鄰居去邊到搵呀! 勁開心呀!

2013年11月23日星期六

女子組韓國遊 - Day 5

November 18, 2013, Monday

玩咗四天, 今日要離開啦...

姪女同嫂嫂零晨四點幾回到酒店, 我都要起床梳洗. 我昨晚敷吓面膜, 執吓行理都攪到兩點幾先瞓, 只瞓得兩個鐘幾鐘, 仲瞓得唔好, 同佢地通頂都係無咩分別.

梳洗完畢後, 攞埋行理便出發坐巴士到機場...呢個時候都只係零晨五點半. 佢地博殺咗一晚, 卒之可以响巴士上休息一吓.

去到機場check in 之後, 又要去打印退稅, 攪呢攪路都攪咗一個鍾.

攪掂完, check哂的行理入去機埸duty free, 哈哈, 各自分頭行事繼續買, 約响閘口等.

我買完兩枝Whisky就入去club lounge食的野. 今日覺得唔凍啦, 見到雪糕, 試吓先.

芝士味, 未試過喎.

不過食落係一的芝士味都無.

食番碗辣泡麵

加杯Cappucino, 夠哂. 一陣又食飛機餐

飛機準時十點二分起飛

十一點幾就serve lunch

選了韓式牛肉炒飯, 幾好味, 但鹹咗的. 飛機餐係咁上下啦.

準時到港, 型爸嚟接我...

睇吓我地走時共有幾多件行理....

去程時每人一個大喼. 回程時四人共四個大喼, 四個細喼, 仲有四袋...

哈哈哈哈, 今次淨係我一個人都已經消費了成百萬(仲未計機票), 我肯定姪女同嫂嫂各自都消費得比我更多, 促進韓國繁榮添.....kakakaka, 巴之敝...韓幣嚟之麻.

去韓國好多次, 以前都係一家人去, 滑雪旅遊, 都係跟旅行團. 今次自遊行都係另一種體驗. 全程未坐過的士, 全部都係坐公共交通公具.

住嘅係平民地方, 如果唔係姪女代訂, 自己跟本唔識搵呢的地方.

最聰明係唔預型爸一齊嚟, 男士都一定唔鍾意咁樣行街, 四個女士, 行去邊都得. 今次亦都係第一次同姪女, 嫂嫂一齊去旅行. 嫂嫂剛從加拿大回來, 呢個trip都算係為佢而設架.

今次真係多謝大姪女, 安排哂一切, 我地只係買機票就得啦.

食, 住, 交通都非常經濟, 留番的錢都係買買買.....開心!