五號屋的部落

2015年4月25日星期六

新森林焗之專門店

April 16, 2015, Thursday

今日出去食午飯, 麻煩鬼唔得閒, 只有我同慢麼麼, 都唔知去邊道食好, 咁就行去寶勒巷, 嗰道咁多食肆, 總有一間啱食.

行吓行吓, 真係有的唏噓...一間吃子籠包的執咗, 龍門酒家又執埋, 連Casablanca都貼咗紙做到4月底. 競爭大生意難做, 租係咁加, 但食身又唔可以加太多.... 希望的鋪頭唔係又開藥房啦, 尖東已經有十幾間啦.

經過新森林焗之專門店, 好耐未幫襯過, 入去支持下.

坐低見到張餐紙, 咦, 幫樂苗基金喎

收銀機傍義賣的蛋卷....呢個老闆有heart, 得閒要多的嚟幫襯

慢麼麼要了牛扒帶子意粉, 佢話幾好味

我要了牛肝菌焗豬扒飯, 都幾好味喎!

飲品要了好立克.

個餐如果加HK$5,就有餐湯同麵包, 但一個飯已經太飽, 唔需要啦.

而家四十幾文一個午餐包飲品, 真係好抵食呀!

2015年4月24日星期五

全聚德烤鴨

April 13, 2015, Monday

上星期三慢麼麼生日, 但佢去咗旅行, 今日佢返工, 我地幾位同事同佢慶祝生日.

好耐無去全聚德, 不過慢麼想去, 咁去邊我地都無所謂.

嚟得全聚德, 梗係要食炸鴨, 午市嘅烤鴨餐都好抵食.

同事點了個四人餐再加幾個點心, 咁就夠我地五個人食啦.

四人餐二百幾文, 有半隻片皮鴨

小食一碟

油菜

醬爆雞丁, 呢碟好鹹呀

仲有半隻片皮鴨

好耐無食, 覺得好正呀!

另外加咗五碟點心:

金魚餃, 幾好呀!

豆苗餃, 呢個唔得, 的皮太厚

蝦腸都ok

仲有义燒包同煎鍋貼

埋單四百七十幾, 我地四個請一個, 每人都係HK$118.

2015年4月23日星期四

有得睇無得食

April 12, 2015, Sunday

昨天狂風大雨, 以為今日唔可以行山啦, 但又唔係喎, 天色陰音, 但一的都無落雨, 我們行山組的成員, 繼續出發.

但我同型爸今天要缺席, 因為Cindy今天放假(緬甸的潑水節跟泰國一樣), 型爸唔捨得獨留兒童(Loki) 在家中, 佢個肚又有小小唔舒服, 咁就唔去行山啦. 其實我好想去, 型爸叫我一個人去我又唔想, 咁梗係留喺屋企陪佢啦.

我唔去, 但行山團友不斷Whatsapp update 我. 佢地都怕昨天天雨, 山路仍滑, 今日的行程都以石屎路為主, 谷埔, 蘭桂騰芳, 再行嘉樂徑.

當佢地行到呢個三义口...松記酒家

佢地見到啱啱返咗的新鮮魚

海蝦同蜆...即時改變行程....提早食午飯(十一點幾咋)

其實的海蝦已經比人訂咗, 勉強整咗6隻出嚟比佢地

巨型黃立鯧

仲要搵隻筷子比拼等我知道幾大條, 食完連骨都要影比我睇

新鮮白焯蜆

炒椰菜

煎蠔蛋

豉油皇炒麵

再嚟豆腐花做甜品

佢地呢餐食咗HK$1170,差不多每人二百文.....

哼哼哼哼, 我同型爸都係食海鮮, 不過係昨天燒烤剩下來的9"澳洲大海蝦啫....(酸味什濃呀....)

2015年4月22日星期三

翻版BBQ

April 11, 2015, Saturday

過年時去旅行, 跟著一路都好忙, 同老友們的聚會, 延到今天.

約咗來我家BBQ, 但由昨天開始, 不停下雨, 仲越落越大, 幸好後園有蓋遮擋, 不需要擔心天雨取消.

上星期鄰居邀請我去他們家BBQ, 咁我都要回禮, 叫埋佢地一齊...哈哈, 都唔係第一次, 的鄰居都見過我地老友啦.

的老友四點便來到, 我就忙到周圍騰, 他們帶來紅酒, 我就不停拿出小食...忙到咩都唔記得影啦.
但我預備的BBQ食物, 根本就是復活節時的翻版, 哈哈, 咁用番的舊相都不為過吖 .

梁九記的Q版牛扒

梁大記預醃的香草羊扒, 夠腍又幾好味, 今次又encore

自家醃的黑椒梅頸豬扒

辣與唔辣的雞翼, 再加了十幾隻雞全翼

一大堆什腸,仲有手打魚蛋牛丸

還有9"長大蝦同燒鯖魚

仲有蕃薯

腐竹糖水

蓮子蕃薯粥.

的老友每次嚟, 我都係要佢地食唔停, 不過佢地話點解今年無脆皮年糕...哈哈, 話明係年糕, 咁過年先整啦.

Cindy仲係唔係好幫到手, 除咗清潔之外, 其他的都係我同型爸做. 佢動作比較慢, 淨係洗洗洗佢都唔係好掂. BBQ完, 我都係叫的老友一齊幫手收拾.

攪擔哂我已經攰到唔想郁啦. 攪擔埋今天, 都應該有排唔攪大型party著啦.