2010年10月10日 星期日

火焰雪山 Baked Alaska


2010年10月10日上午5:15公開累積瀏覽 304 3
                                                              

下午同Ruby通完電話 睇吓煮咩野餸, 突然醒起先幾日係小b一歲生日, 吓! 咁今日咪小b媽生日, 差的唔記得添.   今日生日都嚟同我地一齊過竹戰, 要整的咩同佢慶祝吓好呢....
買的咩野好呢, 整蛋糕又唔夠時間..... 

一路諗, 整的咩野比鄭小b媽慶祝生日好呢?  突然响腦中一閃, 記得好耐之前, 响報紙睇過Mani整火焰雪山..... 咦! 咁咪可以做蛋糕, 又可以做甜品.... yeah! 一於咁話...  放咗工, 拿拿林去買野.
返到屋企攞張麻雀檯出嚟, 張檯墊竟然發霉, 好彩有張spare新墊.  唉! 幾耐無打過麻雀, 咁都會發霉.

晚飯之後開檯打咗四圈, 一路打一路心不在言, 個心掛著整個火焰雪山.  四圈之後型爸落埸, 我就可以整嘞...

無recipe, 又無時間整海綿蛋糕, 份量同用料, 都要自己估計 .....
材料: 瑞士卷一條, Haagen-Dazs雪糕家庭裝最大一盒, 蛋白6隻, 糖(約)40g  Rum 酒適量
卷蛋一條, 切咗五片出嚟
放响一個可入焗爐嘅碟上面, 將其中一塊切開, 填補咗的空位及缺口, 等的雪糕放上面唔會流落底
揀咗chocolate chip, 呢個味道幾好, 唔會太甜.  的雪糕無落哂, 落咗五份四, 唔敢再落, 驚的蛋白蓋唔哂.
6 個蛋白, 用打蛋器打起, 糖40g(大約)分兩次加落蛋白, 至完全打起
鋪落雪糕面
將的蛋白鋪到好似山型咁
200c preheat 焗爐,  焗咗大約5-10分鐘.  無set時間, 要自己睇著... 焗到咁上下就要攞出嚟.
焗好啦, 個樣都幾靚
加上Rum酒, 再用火槍燒, 右手面少少藍色嗰的係火嚟架.  用火嚟代替的蠟燭..啦, 不過都係由我點火.
我覺得幾好味, 不過唔知小b媽鍾唔鍾意呢?  的Rum 酒有的燒唔哂, 流咗落個蛋糕底, 的蛋糕吸咗的酒, 的味濃咗的. 下次係咪應該响個火山頂劃條坑, 等的酒留响山頂, 一燒無哂的酒, 留番的酒香就ok...
整完切完個火焰雪山, 個心舒服哂.
我地今日好叻呀! 我心不在言嗰四圈都贏咗少少, 型爸坐落去繼續贏, 結果一家贏三家, 好耐無試過啦...

沒有留言:

張貼留言