2010年10月21日 星期四

士多啤梨果醬


2010年10月21日下午3:35公開累積瀏覽 255 2

上次去Supermarket 買咗的士多啤梨, 一磅特價hk$29.90, 諗著整士多啤梨果醬.  擺咗入雪櫃, 幾日後先記得, 一睇已經有一兩個爛咗, 真係嘥哂.  立即動手整咗佢.   之前整過,  份量少的, 今次份量比較多.
士多啤梨果醬
材料:  士多啤梨454g (去蒂之後加埋掉咗兩個, 可能得番400g), 糖120g, 檸檬汁1個
將的士多啤梨用鹽水浸洗乾淨, 去蒂, 將水份抹乾
將的士多啤梨一開四, 加120g糖
撈勻放入雪櫃醃一晚
第二天, 已經有好多果汁出咗嚟
响個盒側面睇得清楚的
將的士多啤梨連汁放落煲煮滾, 煮起時會好多泡, 煮到差唔多無泡, 試味, 加檸檬汁, 再煮到好"杰"無水的感覺. 
 
入樽待涼.  今次嘅份量同味道都啱啱好.
呢樽士多啤梨果醬, 自家製仲貴過街外買.  但味道同甜度都係我喜歡嘅, 心理上覺得健康的.   

沒有留言:

張貼留言