自從開始跳Belly Dance 之後, 都未試過由星期一開始斷食. 今個星期四有同事生日, 今次又口輕輕應承咗一位同事整蛋糕, 無理由整咗蛋糕我自己唔食架. 假期又唔想斷食, 一於決定今次星期一至三斷食......開始咗呢個非常忙碌的斷食期.
第一天, 早上忙著開會, 下午開始有的攰, 午飯時間在公司小睡片刻charge charge 電. 下午又要開另一個會, 時間過得很快, 不自覺地好輕鬆咁度過, 跟著就放工. 返到屋企, 第一個試練就係要教&睇著工人煮餸. 仲要睇著魔鬼型爸食咖哩魚(食到出哂聲配埋音咁)... 睇咗兩眼我唔理佢返房換衫去跳Belly Dance. 第二個試練就係跳Belly Dance, 初時都有的擔心會唔夠體力, 帶定支蜜糖水補充吓. 點知跳吓跳吓, 又好似平時咁, 好快又過咗. 可能我身體入面已經儲存咗太多能量, 肥C大隻, 唔食野的能量都有排用. 咁即係話以後幾時開始斷食都無問題啦.
第二天, 旱午都好容易度過, 一的攰都無, 亦唔需要小睡. 型爸今日要出差, 我要自己搭港鐵回家. 要趕著返屋企整蛋糕. 第三個試練就係斷食期整蛋糕. 本來個蛋糕應該明晚先整, 但聽從那位同事嘅忠告, 都係早一日整好的, 有咩差池, 仲有一晚可以補救. 今次第一次整比同事做生日蛋糕, 不容有失.... 因為緊張得制, 連餓都唔餓, 開咗的蜜糖水都唔記得飲....對著咁多食物, 完全唔想食. 估唔到, 呢個完全唔係試練, 整完個蛋糕, 沖完涼, 好似散哂咁. 唉! 原來最大嘅試練係緊張同壓力, 呢樣反而覺得最辛苦.
第三天, 早午又輕鬆度過. 晚上回家就更加忙, 第一件事就先攪掂餐晚飯, 型爸出差, 本來明天先返, 但我要求佢早上要送我番工兼送蛋糕, 佢又要安排提早一日返嚟. 抵錫, 我梗要攪好屋企的膳食. 跟著用個shuttle chef煲定蕃薯粟米粥明天食. 一早買定的香蕉諗著整香蕉蛋糕, 又唔記得呢幾日斷食, 見到的香蕉差唔多熟哂, 等多一日都可能會爛, 都係快的整埋的蛋糕. 有6隻蕉, 結果整咗兩款香蕉蛋糕. 嘩! 今日最大嘅試練就係呢兩款香蕉蛋糕, 焗起嚟香到不得了. 不過最後一天, 頂得著. 可以明天先食. 都知自己緊張, 所以最後先攞昨晚整嘅German Cheese Cake 出嚟同火槍燒埋個餅面.... 今天比昨天更加忙....
第四天 - 復食日, 帶備了兩杯蕃薯粟米粥, 香蕉蛋糕&大沙梨一個, 昨為早餐&午餐. 本來同事叫我去k lunch, 但唔去lu, 上次去食, 食食吓發現一條勁大菜蟲, 雖然話我知的菜無農葯啫, 但始終心理陰影未過, 遲的先啦.
下午四點, 開始切蛋糕啦, 真開心, 佢地個個都話我整嘅cake 好食. 食咗件蛋糕做tea, 好味, 但覺得有的膩. 放工好開心咁去做瑜珈... 個肚仲係好飽, 諗著返屋企食碗蕃薯粟米粥算啦, 點知上完瑜珈堂, 型爸叫我同佢的朋友一齊打邊爐, 都好吖, 明天開始連續三天假期, 夜的瞓都無問題, .同的朋友坐吓, 傾吓謁, 輕鬆愉快. 打邊爐可以自己決定食咩野, 唔想食就唔食.
咁又度過呢次斷食期....睇番, 响斷食期, 要面對美食, 聞得好香, 仲要落手煮, 都唔係咩野難面對嘅試練, 反而情緒同壓力先係最大嘅試練. 整嗰兩個生日蛋糕嘅過程同自己比自己嘅壓力, 先覺得係最大的試練....
沒有留言:
張貼留言