2011年3月13日 星期日

最近收到的一份禮物


2011年3月13日上午9:42公開累積瀏覽 253 0

包裝嘅側面睇係咁
打開係咁
一支支獨立包裝, 好似雪茄咁.
吓! 我地唔啱食煙同雪茄喎......
咁梗係唔係啦...
係Goldkenn Chocolate Club嚟架
另外仲有一個兔年外盒套.  我諗特別印製專攻農曆年市場.  我朋友用個Duty Free Shop袋裝著, 唔知係咪响Duty Free 買呢?  我都係第一次收呢款禮物.
咁得意, 就攞一條出嚟, 摸上手好實淨
打開包裝,外圍係蛋卷, 內裡係朱古力
咬一啖....噢! 有的失望, 外圍蛋卷脆, 但唔夠鬆化.  內裡嘅朱古力餡有朱古力色唔夠朱古力味, 可以講入面唔係我地平時食開嗰的朱古力嘅texture.
哈哈, 如果咁樣揸著, 係咪好似支雪茄呢?  真攪鬼.
但係睇落歡喜, 食落無驚喜!
所以今次係介紹包裝同外型, 唔係介紹個product...
但係當然無損我朋友對我同型爸嘅心意啦!

沒有留言:

張貼留言