2011年3月17日 星期四

古董留聲機


2011年3月17日下午2:50公開累積瀏覽 85 1

我亦都唔係佢嘅主人, 但見佢咁靚仔可愛, 真係要介紹一吓.
就係呢部嘞, 超過100年嘅手提古董唱機
呢個就係佢嘅手提cover
而個底木座印著愛廸生標準留聲機(呢部機真係愛廸生發明架)
另外主人再拿出一個盒子
打開黑麻麻有6個卷型物體, 睇落完全唔知係咩野嚟嘅
將個卷筒放企身睇吓, 上面印咗的字, 摸上手又分辨唔出係咩野物料.
主人打開謎底, 原來呢幾個係唱片嚟架, 每卷係一首歌, 每首大約兩分鍾.  而面頭的字就係歌名.  成個卷筒係用蠟做嘅.
另外仲有兩個獨立裝, 一個係愛廸生品牌, 一個係牛津品牌.
呢個可以睇得清楚的, 首歌名係I'M ON MY WAY TO RENO.  日期係JULY 29, 1902....1902年呀!
點樣放卷唱片落架機到?  推起個喇叭...
睇吓銀色嘅部份, 套嗰個蠟做嘅黑卷筒落去
側面有個挍手, 好似上錬咁, 挍完就會播放音樂.  好勁呀!  當然, 以而家嘅標準, 的音樂就唔係好好聽啦, 但係一聽的音樂, 就覺得係差利卓別靈嗰個年代.
呢個愛廸生真係犀利, 咁多年前都發明到呢個手提留聲機, 用現代眼光嚟睇, 都仲係好有型.
唔單止呀! 另外仲有一部, 不過呢部年紀無咁大, 應該係四五十年代嘅.
就係呢部大喇叭嘞
主人家放咗隻周旋嘅黑膠碟落去播放...當然的音響麻麻啦, 因為的聲係經呢個大喇叭出
而個底木座就印咗個brand name, 不過就睇唔清楚下面嗰排字寫咩野.
真係大開眼界, 非常喜歡那個愛廸生留聲機....

沒有留言:

張貼留言