Lunch at Baby Blue - 20130511

2013年5月16日下午2:03公開累積瀏覽 224 0

May 11, 2013, Saturday Afternoon

今天早上, 咩野心機都無哂, 因為個肚不停的痛, (但又唔係肚潟個種), 型爸幫我打電話去醫務所, 不過要十二點幾先有得睇呀!

二公子昨晚返嚟, 佢見我今早去睇醫生, 佢話佢都要睇, 因為佢感冒未清, 仲有的痰都咳....哈, 真係大個仔, 自己話去睇醫生.

去到醫生問我, 通常腸胃炎三幾日就自己會好架啦, 點解我三幾日仲痛嘅....唉, 我都唔知點解.   醫生話好大係機會腸抽筋, 幫我打咗支針, 開咗的清炎腸胃藥, 要我食清的呀!

見緊醫生時, 型爸打嚟話响Baby Blue 等我地, 醫生話我腸胃炎, Baby Blue無野啱食, 叫我去食粥啦.....吓, 型爸已經坐响嗰道等咗好耐啦.

 

Baby Blue 無粥食, 咁我唯有揀的清淡的啦.

忌廉湯都飲得啩.

我要了鴨胸三文治, 食了一件半, 而炸薯條就要型爸二公幫忙啦.


型爸要的大蝦意大利飯

二公子要了吞拿魚長通粉

甜品係青檸啫哩

型爸耍的咖啡, 好香...但我都係唔飲啦.

我同二公子要了檸蜜, 都係呢樣啱的.

食完要返屋企休息啦....

問二公子今晚想食咩....佢又話食西餐...真係要諗吓煮咩好, 我今晚就肯定要食粥, 無理由要佢兩個陪我架.