2016年10月20日 星期四

上水高佬明雞煲

October 9, 2016, Sunday Night

下午行完山, 型爸又收到林老闆電話, 一齊出去食好唔好...型爸就當然話好.

型爸提議去食雞煲, 咁我地就先去知味小廚...去到排哂隊, 戶外都已經坐滿, 仲話要等7張檯....吓, 點等呀!   車已經泊好, 咁唯有行遠的去新成道高佬明雞煲.

真好彩, 只係等一張檯, 仲唔使10分鐘就有位.

我地要了一隻雞煲, 加咗豬潤同粉腸

食完的雞, 侍應介紹我地食魚麵, 佢仲幫我地炒埋.   一份魚麵得好少, 再叫多一份魚麵及菜.

係咁炒吓食吓, 我地已經好夠, 連火鍋都唔使食啦.

食雞煲, 型爸同林老闆就飲咗幾枝啤酒

 
我同林太就飲鹹檸7.

的男士飲咗啤酒我地都唔比佢地開車....哈哈, 唔緊要, 我同林太都係有牌之人....

沒有留言:

張貼留言