2016年10月12日 星期三

粉嶺陳漢記

October 1, 2016, Saturday

今日下午林老闆打電話比型爸話今晚一齊出去食晚飯.

事源林老闆去街市睇吓有咩野好買, 點知撞見陳漢記嘅老闆去買餸, 林老闆話咁啱, 佢唔買嘞, 就去幫襯陳漢記啦....  林老闆話識咗漢仔十幾年又幫襯咗十幾年, 要去支持吓.

去到都唔使點菜, 全部都係由漢老闆決定....唯一我要了魚麵.

今晚只得我地兩對夫婦,  都有好多碟小菜呀!

樣樣未到, 魚麵先到.  一碟魚麵好少架咋, 每人有一小碗, 不過呢碟魚麵真係好好味, 又爽又彈呀!

紫洋蔥墨魚仔....以前食墨魚仔就將的墨汁洗哂佢, 而家個個都知墨汁係寶, 原隻食呀!

白切鹹肉

雲吞雞湯.  的湯好濃, 我覺得有的鹹, 因為落咗雲腿

的雲吞唔係落攪肉, 係手切肉加芝麻, 未必人人啱胃口

豆醬炒白菜, 哈, 我又未腍過用潮州豆醬炒菜, 下次可以試吓.

苦瓜豆卜煮鯧魚

四個人連魚麵都已經七樣餸

最後加了一碟魚蝦干要嚟送酒

呢碟唔知係咪送嘅呢....黑糖蒸蛋糕

呢餐埋單HK$1,200, 林老闆係都要請, 咁下次輪到我地請啦.

沒有留言:

張貼留言