2016年10月25日 星期二

拆肉泥鯭粥 + 加辣豉油皇炒麵 + 煎韮菜餃子

October 16, 2016

星期天本是行山天, 但因為組長出差, 副組長有朋自遠方, 其他組員就就偷懶, 包括我同型爸呀!

組長出門, 剩低組長夫人一個, 佢又不好煮食, 咁我地一定要照顧佢啦.

所以今日午餐煲粥炒麵招呼吓組長夫人啦.    咁型爸打比林老闆, 問佢有無興趣, 林老闆話對於不勞而獲, 唔使煮有得食就一定到啦.

煲好咗果皮粥底

蒸好泥鯭

拆肉


美味的拆肉泥鯭粥...加的胡椒粉, 超好味呀!

 
買咗一斤銀芽, 兩份蔥先略炒, 盛起待用.

今次用蝦子麵餅, 10個, 用熱水浸鬆瀝乾.  調好豉油汁(生抽, 老抽, 糖, 要深色, 老抽要多一點)將麵先撈勻


再落鑊炒, 跟著加入芽菜及蔥.

將炒麵盛起, 跟著爆香辣椒, 再放一半麵再炒.....

呢! 十個麵餅有兩碟, 一碟加了辣, 另一碟唔辣......

哈哈, 結果係碟辣一早食哂, 唔辣嗰碟要拎去加辣再炒

除咗麵, 再整多碟炒菜心

仲有煎餃子(專為二公子而設)

個個都話咁多點食得哂, 結果就係咩都清哂, 淨係炒麵剩但一小碗.

見到佢地話好味, 咁我又好開心啦!

沒有留言:

張貼留言