Da Nang 2018 - 越南峴港 - Day 1

受災水浸, 浸壞了地下的傢私, 心情真的很壞.   跟著再來一個超強颶風, 吹走埋天台個來...本來心情應該更壞.....哈哈, 咁又唔係喎, 隔了兩三個星期, 見到其他受災的地方, 咁我屋企呢的算係咩....只係要花時間花精神花錢去解決....無咩大不了.

提起精神, 寫吓blog啦, 越南個trip 都好開心, 舒緩了受災後的情緒.

---------------------------------------------------------------------------------------------------------------------

Sep 6, 2018, Thursday

間屋浸成咁, 本來無咩心情去旅行, 但呢個trip book 咗幾個月, 係我地行山組衝出香港, 同埋的鄰居一行十人去旅行.   酒店機票已經全部付款.   如果唔去, 就真係好蝕!   型爸話出去玩吓就會開心番架啦.

不過組長最後決定都係唔去,  唔係因為浸咗間屋 (佢損失比我家更嚴重), 係生意上突然有外國高官到訪, 為了生意, 無法不取消.    所以只有組長夫人同我地一齊去, 放心, 我地一定會照顧佢.

今次所有行程, 機票, 住宿, 食咩玩咩, 都係我地的好鄰居, 好行山友安排, 我地咩都唔使諗, 跟著去食跟著去玩就得.

我地早上7:40 am 的機, 09:30 已經抵達越南峴港機場

到部先去機場買張Data card

第一個行程就係去食早餐, 團長帶咗我地去一間餅店, 入面有即做的越南麵包,   佢地開兩張小檯, 我地就坐在店外食.

每人一份越南包

個法包好鬆脆, 入面有青瓜, 紅蘿蔔, 札肉, 牛肉, 仲有的醬汁, 非常好味, 另外再叫了越南咖啡.  團長話凍咖啡好飲的, 不過我地想像唔到, 做咩杯咖啡咁細杯嘅.  所謂凍咖啡, 係一杯熱咖啡, 跟著加一粒大冰.    想飲大杯的就要等粒冰溶啦.

食完不是去酒店, 我地抓緊時間開始第一天的行程,   Sun World Ba Na Hills

行到入口, 對於的建築, very impressed

入場卷

睇吓天花的裝飾....

嚟個long shot清楚的

跟著坐cable car

呢....好似某些主題公園

我地會坐吊車上到海拔1,400M....到第一站啦....有對佛手捧著條橋

就係呢條 Golden Bridge

橋側種咗好多好靚的花

影張全景, 對佛手有的日久失修呀!   不過無阻的遊人狂拍照.

跟著落去另一個花園

呢道有個27米高的大佛

我地响呢道搵咗間餐廳休息一下, 叫咗小食

仲有Sangria

跟著再坐另一段吊車, 上去法國村

呢就好熱鬧好多人呀!

跟著我地再去室內機動遊戲中心....玩機動遊戲....團友仲玩跳樓機添.

玩到大約四點, 我地離開Ba Na Hills. 

由Ba Na Hills 開車去會安, 大約一小時, 我地訂咗一棟Villa, 所有團友一齊住呀!

去到Villa, 我地分配好房間, 梳洗一下就出發去食晚飯.

我地開車出峴港, 去到一間好大的海鮮酒家...   團長話兩年前嚟過, 當時呢間只係普通小店, 現在變成這麼大間.

價錢都當然比前貴咗好多.

我帶咗一枝當年喺澳門買的紅酒...呢枝酒的係刧後餘生...比水浸過的.

叫了海鮮及青菜, 呢道只不過係半份, 我地九個人, 所有餸都係點雙份.

本來以為好貴, 所以佢地無點龍蝦, 但埋單又唔貴喎....只係4,095,000越南盾....咁即係幾多公心錢....大約港幣HK$1,400 .

食完等司機接時, 有位女士推著單車過來賣生果, 的生果好靚喎, 我地又買的返Villa 食.

車到啦....呢架就係我地租咗四天的大車, 可以坐十二人.

返到酒店, 大家都好攰, 早的休息.    今日四時起床,  its a long day!