母親節大蝦牛扒餐

May 10, 2015, Sunday

依稀記得每年嘅母親節都好似唔使點做, 但今年唔知點解, 母親節變咗勞動節, 由朝煮到晚.

本來晚上唔使煮嘅, 但好"行"嘅型爸同林老闆話去買的海鮮返嚟打邊爐...吓, 有無攪錯, 好似佢地鐘意打邊爐唔係我鐘意喎.   咁唔打邊爐, 更加唔想出去食同人迫, 咁就要煮架啦.

咁我屋企總有的存貨, 食西餐好過打邊爐啦.

嗰日睇肥媽個節目, 佢好似用的蔥嚟釀大蝦, 比咗的煮意我, 咁試吓整啦.

剁碎的蔥及蒜

用牛油起鑊

爆香的蒜

加的蔥, 加的鹽

爆香後待涼

的大蝦剪腳去腸 (的蝦好大隻架, 隻隻都有8"長)

將的蔥蒜釀入蝦背, 放入炤爐200度焗20分鐘 (睇火, 焗都的蝦捲起變色就得).  肥媽用煎的方法, 但我懶, 放入焗爐快的.


跟著放埋的法包同薯餅入另一個焗爐

跟著煮湯啦.   呢款龍蝦湯响惠記買,  未試過, 第一次煮

 
 無加水, 只加了一杯忌廉 , 味道偏淡,  下次唔好買啦.    四礶都要hk$200.

跟著加的xo...

薯餅法包焗好

 
哈哈, 的大蝦焗好變咗中蝦

林老闆整了黑松露意粉

佢地開始食先

我仲要煎牛扒....我同咗兩個鑄鐵煎鍋, 一個煎西冷, 一個煎肉眼


二公子趕得切回來食晚飯...買咗蛋糕同枝花比我.

 
至於Cindy, 我地對佢都好好架.  我地食咩佢食咩, 大大塊肉眼扒比佢.   佢有一個女兩個仔, 都值得有一份母親節大餐.

泥鯭粥 + 韮菜花豉油皇炒麵

May 10, 2015, Sunday 母親節

星期日本來係行山日, 但今日係母親節, 一年中之大節, 組長話休閒一天, 應該個個都唔得閒.

而我已經跟兩位母親(媽媽及奶奶)預早慶祝, 今日可以响屋企, 唔使騰來騰去.

二公子要返工, 大公子一早Whatsapp我祝我母親節快樂, 問我今日有咩plan...係無喎.

亦都無人同我講今日有咩plan, 睇嚟今日都係勞動節多的啦.

昨天買咗泥鯭, 預咗今日煲泥鯭粥做午餐呀!


一早蒸好的魚拆骨揀肉, 另用shuttle chef煲白粥底

的骨呀頭呀就用魚湯袋裝好, 用嚟淆個魚湯底

呢的蒸魚嘅精華都唔好嘥,一陣要落埋落的粥架.

果皮切絲, 我呢的果皮, 無三十年都有廿五年啦.

 
 將的粥由Shuttle chef倒落的魚湯, 繼續煲20分鐘, 跟著熄火焗15分鐘

的粥由佢焗就開始整炒麵

 
 蝦子麵用凍水浸鬆

韮菜花切頭切尾再切段洗淨

蒜蓉起鑊

爆吓的韮菜花

跟著加麵條一齊炒

預先整好豉油調味 (老抽, 生抽, 麻油, 糖, 水)

炒好啦, 韮菜花豉油皇炒麵

的粥焗完再滾, 當堂綿哂

唔係煲咗好多, 唔使分開整生滾粥, 一次過加的泥鯭肉落去

的粥真係好正呀!

我同型爸的午餐


仲要介紹吓呢碟, 順德素鮑...大頭菜

加咗又真係幾好味.

Cindy平時唔鐘意食粥, 我見佢都食兩大碗呀!  加埋的韮菜花豉油皇炒麵....超正呀!

青衣聯邦皇宮 + 大埔墟街市東記豬扒麵

May 9, 2015, Saturday

星期四同奶奶慶祝母親節, 今日輪到媽媽.

媽媽早瞓, 又唔食得幾多野, 我地唔同佢食晚飯, 改為飲早茶.  約咗哥哥嫂嫂, 佢地去搵位, 我開車去接媽媽.

早上九點十五分己到酒樓, 星期六早上通常都比較容易搵位, 嫂嫂話唔使等, 即刻有位.

又我地五個人, 又要用2.5嘅計算方法, 控制著唔好叫多過十三碟點心, 唔係又食唔哂啦.

哈哈, 哥哥的口味同我地跟媽媽都差唔多, 叫埋的芋角, 鹹水角, 炸兩, 春卷同脆麻花.   我地平時好少去酒樓飲茶, 久唔久食吓都無問題啦, 當然最緊要係媽媽開心啦.

飲完茶送媽媽返屋企, 跟著仲要返公司做野, 唉, 呢個weekend超忙, 幾個department 一齊搬, 真係差的攪到壓力爆煲呀!

返咗公司一陣睇吓的情況如何.....超混亂, 有排搬, 交比的專業人士去做.

跟著同型爸走去大埔街市買餸, 順便食午飯...

哈哈, 食西多做午飯?

其實我地只係叫杯飲品, 但那位小姐話, 一杯凍奶茶HK$13, 要個西多套餐都只係HK$20, 多HK$7有份西多, 咁咪要囉.

其實我同型爸只係嚟食豬扒麵

以前雙拼HK$22, 跟著加到HK$26, 而家HK$30.   但都唔算貴囉.

太多豬扒食唔哂, 要打包拎走呀! 西多士豬扒麵, 肥爆!