開心聚餐

August 11, 2018, Saturday

今日我們在十三號屋聚餐呀!   呢排幾位鄰居都外遊, 八號屋主人從西班牙回來馬上聯絡我地聚餐...  咁耐無見, 梗係要聚一聚啦.

Happy Hour 時間

西班牙風乾火腿及腸

一大碗什欖

大大碗生果

五號屋做的芝士黑椒蝴蝶酥

仲有炸蝦片, 法包...一大堆.

今晚有日本清酒, 八號屋帶來兩枝紅酒.   型爸同林老闆就飲Whisky

林家整的鮮果什菜沙律

蒜片牛柳粒


仲買咗兩份魚生

八號屋煎腸, 呢款香草豬肉腸幾好食架.

五號屋整了燻蹄. 


仲有薯蓉雞撻

十三號屋主人家整了越南蝦卷

仲有慢煮豉油雞

組長今日單拖出席, 買咗半隻乳豬

我地只有十一位, 勁多野食....哈哈, 食唔哂啦.

食完八號屋再切多幾個日本白桃.....好甜呀!

仲有我整的紅棗桂圓海燕窩...咁睇唔靚

倒扣出嚟, 幾靚, 仲好好味添.

今日五號屋整的三款食品, 芝士黑椒蝴蝶酥, 薯蓉雞撻, 仲有個紅棗桂圓海燕窩, 收到好多個likes.    個燻蹄無收到likes係因為佢地食過好多次啦.

非常開心的一個晚上.

薯蓉蘑菇撻

August 11, 2018, Saturday

除了整蝴蝶酥, 我仲要整多個雞撻....人地叫雞批我就叫雞撻, 因為係迷你版呀!

雞扒一塊去皮用切丁, 用少許鹽略醃

白色本茹半扎(本來應該用蘑菇, 我忘記了買), 一個洋蔥切碎

用牛油加蒜蓉起鑊, 加入菇及洋蔥炒香

再加入雞肉炒至八成熟, 加入白汁 (用大約100 ml 牛奶 開均 130g 麵粉 拌勻至無粉粒)

煮至餡料熟醬汁變稠, 再加入火腿粒(一塊的份量),  待涼

我有現成的鹹撻皮, 先放入焗爐180 度焗10 分鐘, 跟著取出, 加入雞肉餡料

轉至200度焗15分鐘.

取出加薯蓉面

薯蓉: 薯仔去皮煮腍壓成蓉, 加鹽加奶加牛油加忌廉成滑薯蓉, 裝入唧花器.

唧上撻面

入焗250 度焗玨面有少少燶 (又或者用火槍都得)

焗起, 可以出發去聚餐啦.

哈哈, 我的芝士黑椒蝴碟酥同呢個薯蓉蘑菇撻, 今晚收到好多個likes 呀!

芝士黑椒蝴蝶酥

August 12, 2018,  Saturday

平時食凡的蝴蝶酥大部份都係甜的.  今日我整的蝴蝶酥是鹹的, 用嚟做今晚potluck 送酒小食.

秘書小姐去學整鹹點, 其中有一款係鹹的蝴蝶酥....哈哈, 馬上經我手發揚光大呀!

原食譜用Parmesan cheese, 我有一包開咗嘅Cheddar Cheese, 咁就Cheddar Cheese 啦.

整蝴碟酥係無難度, 我用現成急凍酥皮, 可以話係easy過easy.   在酥皮上灑上芝士, 跟著加入黑胡椒, 再加上的紅椒粉.... 用幾多我都係好隨意....哈哈, 我灑到滿哂.

兩邊先摺大約六入一, 跟著輕手再向內再摺, 中間要預留空位再對接.  千祈唔好摺得太緊, 唔係焗起發得唔靚架.

我全程都係用急凍酥皮嗰塊膠紙嚟摺.   摺好放入雪櫃10分鐘, 等佢硬番少少先切.

哈哈, 全程好忙唔記得影啦.

預熱焗爐180度

先焗15-20鐘, 因為落咗好多芝士, 摺時有空位, 發到好靚呀!

出爐反轉

再焗5-10分鐘.

攪掂啦.

跟著順手入埋另弓爐...呢爐大部份都係甜架...只係加了普通白沙糖.

焗起呢款鹹的芝士黑胡椒蝴蝶酥....忍唔著即刻試味.....好正呀!

淥易搞 - Shaking Restaurant

August 10, 2018, Friday

嗰日睇免費報紙, 介紹一間餐廳叫淥易搞, 食shake shake 海鮮....型爸好有興趣, 今晚同二公子, 一齊去試吓.

呢間淥易搞响太子道, 就係蛇王兄斜對面

好彩有訂位, 訂了八點, 行慢一步, 就要等位.

入到去見到個魚缸

唔係太多海鮮, 相信大部份入哂廚房

我們被安排坐最後一張卡位, 鋪唔係太大, 已經坐滿哂啦.

Menu很簡單, 一面印shake shake 海鮮, 另一面係台式小食.

原來淥易搞個名係有的由來...店主愛人的生日是6月29日呀!

跟著印埋個流程

海鮮只有這些, 仲可配的蔬菜.    可選醬汁有五款

每人碟上放上手套及一條膠圍裙.

四至六款可以選一款醬汁, 我地要了七款海鮮, 選了青檸醬(侍應話食海鮮好多人都係選青檸醬).   個醬幾清新, 可惜青檸的苦澀味太重, 我覺得麻麻.

食物送來跟印在menu上的流程已不一樣, 海鮮焯熟, 加入醬汁放入大膠袋, 侍應放在籃上, 行到埋嚟, 係咁搖幾搖, 哈哈, 我真係唔覺得咁樣搖會勻囉.

打開膠袋, 我地再將的海鮮醮的醬汁嚟食.   因為佢派了膠手套及膠圍裙, 不自覺地坐部都係用手攞嚟食.

的海鮮白焯, 都係無咩味, 靠的醬汁, 但的青檸苦澀味好重, 我覺得麻麻.

要了一個紅菜頭麵

食完海鮮, 就放的麵入膠袋, 撈的醬汁嚟食.

食完第一輪海鮮, 唔想再叫, 跟著叫的台式小食.

二公子要了炸薯角

雞翼

仲有鹽酥雞...不過太鹹了.

升埋單HK$541, 以食海鮮嚟講, 都算經濟 (質量一般), 小食好平, 仲無加一添.

下次如果再嚟, 要試吓其他醬汁.