國慶聚餐

September 30th, 2018, Sunday

自從我地屋苑受嚴重水災 (有幾家受災嚴重, 我同組長兩家由為利害), 大家都無咩心情.  

發生了的便發生了, 幾唔開心都要過, 大家夾了時間, 9 月30日來一次potluck, 今次在十六號屋, 舉行, 他們那邊地理上比我們的那邊高一些, 水只浸到門, 車也沒事.

我們一向是開心屋苑, 暫時忘記的煩惱事, 算係做節又好, 做咩都好, 大家開開心心食一餐. 

呢排個腦淨係諗著點樣整番間屋, 都唔知整咩好.....哈哈, Cindy, 都係妳出手嘅時候啦.

睇吓呢一大鍋....哈哈, 我叫佢整緬甸魚湯河呀!   我買了四個大大的鯇魚腩...我同佢講要多魚呀!


跟著再預備煎魚餅


今晚18個人, 整咗兩碟


調味都預兩份, 每份都有辣椒粉, 青檸, 炸蒜, 芫茜

另外昨晚已經浸定....黃耳

仲有桃膠, 我要煲南北杏木瓜黃耳桃膠糖水

我做哂我做嘅野, 留番個魚湯Cindy慢慢餚

出發Happy Hour....

帶咗呢盒餅去...朋友送比我, 拎去同大家分享啦

今日小食都好豐富, 有越南買回來的豬頭肉凍, 組長買了滷水鵝, 另外加一盒鵝頭鴨頸, 黑水欖, 生果....男士飲威士忌, 女士飲香檳....Happy Hour 時間已經飲咗幾枝

最勁係呢一大份的煙三文魚...非常肥美好味, 食完的小食都飽咗七八成

主人家整了韓式豬腩肉包生菜


唉吔, 做咩炒粉韓式粉絲呀! 我一大煲魚湯河呀!

組長買的滷水鵝, 那盒鵝頭鵝頸已經全部食哂

十五號屋叫了工人姐姐炸豆腐

煎蝦

仲有炆牛尾

煎魚..

仲有林家整的滷水牛展, 麻醬手撕雞萵筍...

當然仲有我一大煲魚湯

預備了一大鍋河粉, 不過個煲魚湯我飲到暈沱沱, 好多都無影相

大概飲咗幾多, 三四枝香檳, 四五枝紅酒....我食到半中途頂唔著, 返屋企休息下, 過吓的酒意先, 順便返去煲湯水呀!

煲完湯水返去....竟然又開多一枝靚次伯....咁當然再要飲少少啦.

野食預得太多, 好多都剩番一半....

第二日中午, 十月一日假期, 個個都未出去....

立即吹哨子, 個個拎番昨晚剩的出嚟, 再嚟食過

超豐富....煮咗嘅野, 食足兩餐, 一的都無嘥呀!

泰斗 Thai Master

Sep 27, 2018, Thursday

型爸的老外朋友每次嚟, 都同佢去食泰菜(情有獨鍾),  上幾次都同佢去香葉, 今次帶佢泰斗, 唔好成日去同一間.

不過食泰菜, 食來食去都係咁上下.

 泰式拼盤

 肉鬆生菜包

 串燒, 豬肉, 牛肉, 雞肉, 牛舌各兩串

 老外鍾意椰汁雞湯, 我地就佢一齊飲, 唔要冬蔭公.   呢個椰汁雞湯都幾好味呀!

 睇open rice 呢道燒雞唔錯, 要了一隻....估唔到, 的雞肉都幾滑, 加了燒汁, 味道唔錯.

 馬拉盞通菜

 仲有個綠咖哩

 甜品要了芒果糯米飯, 仲有西米糕....兩樣都好味.

埋單HK$1,617, 我地五位, 平均三百幾一位, 尖沙咀, 價錢當然貴少少.

家常聚餐

September 23, 2018

好耐都無响哥哥家食晚飯 (好似由年初到現在), 哥哥叫我去佢家做節食晚飯, 咁當然去啦.  平時好少見面,  聚餐時先有機會見的姪仔姪女姪孫.

真係估唔到, 兩位工人姐姐都放假, 但嫂嫂話唔緊要, 全部佢煮

 脆肉瓜炒帶子

 魚肉煎蛋

 白焯走地雞

 海參魚肚炆冬菰

 蝦干煮肇菜


咖喱牛腩

阿嫂, 好掂呀!

咁我當然唔會空手去, 整兩個冷盤

 燻蹄

 青瓜手撕雞

 差的唔記得個鮑魚雞靚湯

仲有每次都食的甜品....湯丸.

家人團聚, 開開心心食晚飯, 見到媽媽的笑容, 好溫暖, 好感恩....

芭堤雅泰菜館

自從屋企受災, 心情都真係down, 咩野都提唔起興趣,  因為等保險公司的賠償方案, 咩野都未開始整, 返到屋企, 連梳化都無, 真係坐都坐得唔安樂.

手機影咗好多相, 都係時候要把自已拉番出嚟, 間屋仲未可以回復正常, 但個人都要回復正常, 寫吓Blog, 飲飲食食, 都係開心事嚟嘅.

September 22, 2018

 二公子明天生, 佢book 咗去澳門玩.  今日提早同佢慶祝, 元朗一間泰菜館, 芭堤雅.

 要了泰式生蝦

泰式豬頸肉生菜包

 泰式拼盤

 燒安格斯牛肉

型爸要了啤酒, 我要了珍多冰

 蒜蓉包

 馬拉盞通菜

 冬蔭公湯

 仲有個炒蜆

 放的甜品

呢餐埋單HK$1,114, 四個人, 平均每位HK$300, 中等價錢, 都唔算好貴.

最仲要係食物唔錯, 幾好味呀!