雲來軒

February 28, 2019,  Thursday

今天約了舊同學聚會, 大家一年多無見, 今次一約即成事. 

訂咗棉登徑, 雲來軒

門口貼咗大廚張相, 樓梯牆上貼了很多照片.

中一位突然話公司急事要加班, 話可能嚟唔到, 咁我地唯有慷慢叫野, 食著等呀!

蒜泥白肉, 呢個做法, 整到好似肉捲, 不過食落無咩特別

金磚豆腐, 外脆內軟, 好味呀!

名廚阿保靚湯, 今日係靈芝咩咩瘦肉湯, 飲咗都唔記得啦.  味道唔錯.  不過HK$168, 只有四碗, 多一個人都唔夠飲呀!

呢道出名的砂鍋話梅雞.  送上嚟熱辣辣.   同學話好味, 但我就覺得味道一般. 

本來另外叫多一碟例牌燒鵝, 點知話賣哂.

呢道的小菜隨隨便便都要百幾文一碟, 咁我地梗係要有花膠嘅濃湯浸時菜

呢碟金字塔型的炒飯, 叫日本黑蒜鮮露筍紅皮炒飯, 即係豉油皇炒飯.   但整碟飯一的味都無.  真係唔like呀!

本來訂了六位, 結果只有四位.  唔係叫咗好多野, 埋單每位HK$250

純 or 淳

February 25, 2019, Monday

國內個Manager 呢幾日在香港寫字樓上班, 約咗佢出去食飯.   咁叫秘書小姐訂位啦.  秘書小姐話不如去淳啦.....我話好...(腦中諗著的時純).

兩間餐廳同一個發音, 都係日本料理, 淳响文華中心一樓, 純就係希爾停頓中心一樓, 結果係秘書小姐訂了淳, 我們去了純.  去到純, 侍應話無訂位喎, 不過無問題有位的.   咁坐低就打比秘書小姐, 原來大家會錯意.

純以食燒烤以為主, 但兩位男士話唔想食燒烤, 咁我地就叫定食啦.


每人一份前菜, 係牛舌.  兩位男士唔食牛, 咁唯有兩位女士幫手食埋佢啦.


兩位男士要了义燒拉麵 HK$108.  送上來時上面有塊野, 睇真的原來係牛油.   唔食牛的馬上拎走塊牛油

 兩位女士要了安格斯牛肉飯盒, HK$118

對我嚟講那飯實在太大盒....有餘有剩...唔好意思, 浪費了一半白飯.

 呢道的定食我覺得麻麻, 下次同佢地去淳再試吓啦.

老友共聚彩晶軒

February 19, 2019, Tuesday

老友從加拿大回來差不多兩個多星期, 又快要回去了, 咁啱今年佢生日又係完宵節, 大家約出來同佢慶祝生日.

無搵新地方,  約咗佢地去彩晶軒. 加埋型爸及兩位老友的Hubby, 一共八人.

好懶, 見到有套餐, 仲寫著良朋歡聚宴, 唔想諗, 要了半席

另外再加了一隻片皮鴨兩食, 夠哂啦.  不過唔知係咪兩食的關係, 今日隻片皮鴨好以好少, 哈哈, 仲片得唔靚添


兩食就要了鴨鬆生菜包.

半席, 半隻乳豬, 超細隻, 不過夠啦.

上湯蝦球伊麵

沙律脆皮龍皇卷

 

紅燒竹笙雞絲生翅

龍躉兩味 - 炒球

蒸頭腩

上湯鮮竹浸時菜.

仲有個櫻花蝦炒飯.

甜品有紅豆糕, 迷係合桃酥

仲叫佢送埋紅豆沙, 最後切蛋糕都食唔哂.

今日真係好開心, 大家傾謁笑到肚都痛, 最開心係大家相約五月份一齊去台灣旅行, 我地相識咁多年, 都係第一次咋.....好祈待!

不幸中的大幸

February 16, 2019, Saturday

Whisky 仔照咗磁力共震之後, 經神經科醫生睇咗, 話佢椎間盤突出的位置已經自動入返去, 無需做手術, 但弄傷咗嘅神經線需要長時間復原, 大約要一至兩個月長, 可能仲要耐的.

 在醫院住了三日, 今日接Whisky仔出院呀!

 我地早到, 當時無咩人, 但一晏的, 人同狗都咁多呀!

我地入去接Whisky仔時, 佢一見到型爸同我, 好激動發哂顛咁, 要攬實佢安撫一輪先令到佢的情緒穩定的.   跟著醫生教我地用條大毛巾, 托著他的肚腩, 幫佢行出個籠.

出院唔使做手術, 都要三萬四千文呀!

返到屋企佢的活動能力都不大, 因雙腿完坐無力.   接佢次前, 有Pet shop睇過吓的輔行帶, 但睇唔啱.  醫生就話用大毛巾都得.

 我人急生智, 用了兩條狗帶, 自製了一條輔行帶, 套在他的兩條腿上, 幫助他行.   非常成功呀!

 一托起他的後腿, 他馬上要行出門外,  後腿雖然無力在, 拖吓拖吓, 但一樣可以行.   可以起身行, 佢的自信心返哂嚟, 個樣都開心哂呀!  我地托起佢後腿, 都需要力, 但比起要抱起佢, 就容易得多.

Whisky仔, 努力呀!

火鍋頭 - 九龍城

February 13, 2019, Wednesday

三家姊姊夫後天要返多倫多, 約咗今晚食飯, 本來諗著要照顧Whisky仔, 唔可以出嚟食飯, 但現Whisky仔要留院, 我地就可以照原定計劃同佢家姊佢地一家食晚飯.

姨甥訂了九龍城火鍋頭

在樓上訂了一個房間, 大桌上有兩個電磁爐, 共中一個上面放了調味了的架子, 有12款材料配搭作醬汁, 自己喜款什麼便自已調啦.    要了兩jar竹蔗茅根飲品, 又幾好味喎, 見到個jar入面的材料, 都覺得好味的.

先來小食.   炸豆腐, 炸花枝丸, 炸午餐肉 (哈哈, 午餐肉已經成為小食)

一早預訂的象拔蚌刺身, 好味!

椒鹽班馬瀨尿蝦....好味!

花膠雞鍋, 先飲咗的花膠湯, 食咁的雞, 跟著佢地會加的豬骨湯嚟打邊爐

另外要多一個清湯/麻辣子鴛鴦鍋

呢道的手打丸好整呀.   仲有梅菜豬肉丸, 鹹蛋豬肉丸

要了唔係太多款式, 但每樣都唔錯, 的豬潤超爽呀!

呢粒肉丸入面有鹹蛋黃.

食吓傾吓好快又過了一個晚上, 又要同家姊姊夫說再見, 年中我地去加拿大再見啦.

我同型爸為咗Whisky 仔頻撲了兩天, 都好返家好好休息吓.