Red Ant @ VCity

May 1, 2019, Wednesday

勞工節假阿仔約睇戲

呢套戲等咗好耐, 卒之放影啦.   二公子馬上訂票, 趁假期同我地一齊睇.

睇完戲, 我地行返去VCity 攞車, 順便睇吓嗰道有咩好食.   二公子本來想食pizza, 但要等位...咦, 隔離呢間有位喎...就呢間啦.

以西式為主, 但有fusion 菜, 咁試吓啦.

响西餐廳, 我地要了炸豬大腸, 春卷.   哈哈,  真係唔得的, 的大腸炸到皮韌, 唔知係咪翻炸又翻炸.  的春卷亦唔脆.

呢款先攪笑, 京式烤鴨薄餅....又係唔掂

反面叫番西冷牛扒就正常的

銀雪魚飯, 的雪魚本身ok, 但係唔好expect 似日式嗰的味道.

另外叫了一個德國豬, 整得幾好, 但唔記得影相.

用HSBC  Credit card 可以有八五折, 仲送甜品添. 

打折後呢餐唔貴, 不過下次再幫襯, 千祈唔好叫的唔係西餐的東西....真係唔得的.

法國藍龍蝦牛扒餐

Apr 22, 2019, Monday

昨天從汕尾回到家, 都仲未入屋, 對面屋的陳教授就走過來, 有野送給我們.

哈哈, 竟然是活生生的法國藍龍蝦.   他說今早剛到港, 送一隻比我地.

真係多謝哂, 但係個心就有的忐忑, 因為昨晚唔會整嚟食, 約哂的汕尾團友一齊去錦田食.   咁唯有放入雪櫃, 今天先整.

第二日攞出嚟, 好開心呀, 隻龍蝦仲生的.  睇吓幾大隻.

上網睇咗用咩方法整最好食....就係白烚, 呢個size, 大約十至十三分鐘就可以.   我怕over cook, 煮咗10分鐘

另外再煎兩塊西冷扒

煮咗的芝士汁意粉

炒咗的椰菜.

我地嘅藍龍蝦牛扒餐就攪掂.

隻龍蝦鮮味都不得了, 我諗昨天食就更好(唔知有無餓瘦到呢!)

多謝陳教授....呢的鄰居去邊道搵呢!   哈哈, 我呢個屋苑就有好幾位啦.

汕尾三天海鮮美食遊 - Day 2 & 3

Apr 20, 2019. Saturday

第二天早上在酒店食早餐, 食完就去對面Walmart Shopping....

從對面影過去, 呢間就係我地住的顯達酒店

哈哈, 的鄰居唔多唔少都有的野買, 我就好克制, 剛啱先做完斷捨離, 掉咗好幾箱衣物及家居物.  盡量都唔買咁多.

大家各自買野, 約定11:30 在大堂集合, 我地要出發上蓮花山去食午飯...車程大約一小時.

呢段品路真係唔好行, 仍在開發中

到啦, 呢間小洁飯店.  林老闆話幫襯了好多年, 由山下搬到山上.

呢隻走地雞上碟時好靚仔架, 但我未及影相, 大家已經伙一嚿我一嚿了.

菜甫煎蛋, 點解可以煎得咁好食嘅!

呢碟唔知咩野菜,  淨係清明前後先有得食, 但我連個名都唔記得.

呢的茶都係呢道本地種的茶葉

最美味係呢碟坑爐鱔...的肉及皮都是爽的, 從未食過咁好味...

豆腐就一般啦.

炆山豬肉, 的皮又係爽的

唔記得豆芽炒咩菜

蒸水魚

呢道出名的南瓜飯....不過我地都好飽, 食剩一大半

好好味的塘虱魚湯

又食到飽飽....不過每個人的食力都已經大大降低.

食完我地開車返汕尾市, 去一茶一會飲茶 (又係每次都去的節目.)

飲完茶又係自由行的時間, 喜歡行街的就去行街, 喜歡休息的便休息.

晚上6:30大堂集合, 又出發去食.

叫車放到我地去汕尾的魚夫碼頭, 哈哈以為响呢道食啦...原來唔係.

係隔離的水牛海鮮店買海魚, 再到隔鄰的湖內海鮮餐廳.

呢道好近海灘, 我地出去影吓相.   呢道海岸線好長,  昨晚去的豐勝酒家就係右手邊海灣後面

自備的威士忌

汕尾的花生好食

炸血鱔

白焯海蝦

瀨尿蝦

蒸魚

白焯鮮魷, 新鮮好味.

蒸扇貝

碟頭好大, 我地的戰鬥力越來越低

呀!  仲有鹽焗奄仔

海鮮湯....

食完返酒店, 真係要行吓....型爸, 我同另一對夫婦就去按摩

上次去過的養生館, 的技師唔啱心水,  但呢間的按摩技師ok 喎.

第二天食完早餐, 十點出發後深圳.

我地節目未完架, 大家一齊去加州永泰按摩....晚上返到香港, 一齊去錦田食飯.

早車去晚車飯, 玩及食足三天.....個胃真係好唔得閒呀!