螺螄粉

July 30, 2020, Thursday

近來常綱購, 真係咩都買的返嚟試吓.

點解買呢隻螺螄粉, 因為秘書小姐在香港買咗一包要HK$25, 咁我見網上賣十幾文 , 訂開野就訂兩包回來試試.  其實以一包即食麵嚟講咁嘅價錢一點麵不便宜.   不過試吓又無妨.

打開入面一堆小包大包的

鵪鶉蛋都有

筍絲木耳絲

而呢包大包嘅就係螺螄粉

包裝當然有突煮的方法

所謂螺螄粉, 我覺得同江西米粉一樣, 而螺螄粉係廣西出品

本來覺得好細包, 但煮起又覺得唔少

煮好螺螄粉放碗後, 再用小煲煮配料及湯料

哈哈, 食到一半 突然記起仲有腐皮花生未加落去

味道可以啦, 但非常辣, 喜辣的可以買來一試.

片皮鴨

July 26, 2020, Sunday

我今日又搵野嚟攪, 又整片皮鴨呀.  不過真係幾多工夫架.

Cindy都唔知攪咩鬼, 我叫佢洗隻鴨, 佢就幫我斬頭切尾...激死呀!

哈哈, 咁就罸佢將隻鴨盡量皮肉分離

都有難道架

算佢啦, 慢慢整, 雖然整穿咗少少, OK 啦

Cindy攪隻鴨, 我就整醬汁, 用三至四湯匙白醋加兩湯匙麥牙糖, 加少許老抽

用熱水座溶, 一陣用嚟上皮色

另外再用兩湯匙义燒醬大半湯匙海鮮醬, 少許糖, 鹽, 五香粉, 胡椒粉.   此醬汁用來醃鴨內腔

燒熱一鍋水, 加薑及八角,  將鴨拖水....的皮漲哂

唉, 睇見個鴨尾...真係無眼睇, 都唔知Cindy點解切成咁.

上皮色, 吹乾, 上皮色, 別乾....做咗幾次...哈哈, 都係唔係好乾, 因為無吊起隻鴨.   咁就放入焗爐, 用65-70度, 上下風吹半小時先焗

跟著200度每邊焗40分鐘

好多油架, 所以我放個底盤, 的油滴落盤一陣容易清洗的

今次焗起好靚呀!

我用刀剪起皮起用

攪掂啦.   

蒸好皮

配菜也準備好

海鮮醬加麻油

食得啦

今餐仲有魷魚蒸肉餅

木耳脆肉瓜

腐孔炒通菜

今餐都幾豐富...太多啦, 食唔哂

一鴨就唔會一食咁嘥....三食走唔甩

第二天用冬瓜冬菰鴨骨湯

非常好味

跟著仲有鴨鬆生菜包

一樣咁好味.

一鴨三味, 真係覺得隻鴨好抵食.

义燒腸粉, 鯪魚球蜆肉粥

July 25, 2020, Saturday

買咗幾包腸粉專用粉, 呢排就係咁整腸粉

咁第一時間就梗係拎兩個腸粉蒸盤出嚟先啦, 那塊刮板亦是非常重要的工具

昨晚整义燒, 留起咗的, 今日就有得用

米漿都係用1:3

我成日想整玻璃腸粉, 哈哈, 真係太薄啦

跟著就落多少炒粉漿, 咁就正常的

做得好唔好都影哂出嚟, 靚的嘅就比型爸及二公子食, 包得醜的嘅就自己食 

另外煲咗鯪魚球蜆肉粥, 好好味呀!   型爸話好耐無食粥, 今日滿足佢要求呀!

腸粉配粥, 梗係正啦.

緬甸魚湯河

July 22, 2022, Wednesday

家裡有個緬甸工人, 想食緬甸魚湯河一的都唔成問題.  所以久不久型爸就會大叫.....Cindy , 幾時整緬甸魚湯河呀!

哈哈, 通常一講, 兩三日之內, Cindy 就會煮架啦.

通常食緬甸魚湯河, 就會炸呢款越南米紙餅 (就嚟存貨沽清啦...)

今天沒有莞茜, 以蔥代替.   炸蒜蓉 ,檸檬, 辣椒粉就唔少得啦.

仲有烚蛋陂煎魚餅, 不過到我坐埋位食.   差不多無咗一半.   

咁兩仔爺一定會留番一份比我. 

我的飲品, 青檸蕃茄汁

佢地飲檸檬蜜糖

美味的午餐