南涌直昇機坪行山樂

May 29, 2016, Sunday

星期五晚雀友會打到頭都痛, 星期六黃雨, 的雨大到根本唔想出街, 都諗著星期日無得去行山.

點知早上七點半, 出猛太陽, 組長話準時出發.

昨天下大雨, 今天好多行山徑都不適宜行, 由其是有山澗或林徑, 泥路更不適宜.  本來預備去行梧桐寨, 係絕對不適宜.   最後決定行南涌上到直昇機坪便回程.

昨天新聞報導有兩姊妹其中一位差點被洪水沖走, 就係南涌郊遊徑上面其中一條山澗.  我地無諗著行呀!

而呢道又係昨天上個報紙, 十幾位外藉行山人士, 有兩位失蹤.  呢道就係救人的指揮中心.

幸好昨天兩單意外都無人傷亡, 真係算好彩.  天氣差真係唔好去行啦.

我地就行番的安全石屎路

經過的小溪, 水流都係好速, 但呢道嘅疏水渠的水去得好快

平時無咩水嘅小溪都有大量流水, 即係山上仲儲咗好多水未流哂落嚟.

天氣又濕又熱, 行上直昇機坪已經覺得好辛苦.   今日想行吓出汗嘅目的已達到.   組長及副組長仲想行多的, 佢地話我地先回程, 佢地行多15分鐘去尤德亭, 再去追回我地.

點知唔夠五分鐘佢地就追上我地, 原來去尤德亭那邊林徑泥濘處處, 真的不適宜行,  咁就唔勉強, 快的回程.

跟著去陳鳳記食lunch.

 

大家傾吓食吓, 又過咗一個開心的早上.