上水二泰妹泰國菜館

Jun 8, 2016, Wednesday

今晚二公子約咗的朋友返嚟聚會叫pizza食,  我同型爸識做即閃啦, 雖然佢地猛咁叫我地一齊食, 我地唔想啦, 兩個人出去撐檯腳好的啦.

型爸話想食泰菜, 又唔想去咁遠, 出上水比較近, 就去二泰妹啦.   去到即有位呀!

睇著張menu, 我的選擇困難症又出嚟, 三款二人餐, 各有各好.  但我就得呢道的冬蔭公湯偏甜唔係咁好飲, 的咖哩又係偏甜.....

型爸就發揮佢最大作用, 唔好叫餐啦, 散叫....偏甜的就唔叫....

要咗個海南雞飯....的雞唔得, 熟到過火, 的肉嚡烚烚

肉鬆生菜包, 呢款好味

馬拉盞炒芥蘭, 好味.

 

 其實三樣都好夠

 

 但仲有一條鹽燒黃立鯧, 一早叫, 但即燒, 最後先嚟.....好味喎!

型爸要了鹹檸7, 侍應話跟套餐加HK$10有一杯(個海南雞飯可以當套餐), 但如果叫單售就有一礶7喜.....哈哈, 真係搵笨, 跟餐HK$10細杯的, 跟一礶汽水就HK$16....咁跟唔跟餐有咩分別.

埋單HK$366, 唔使加一.   自點貴過套餐少少, 但每樣野都係自己喜歡食的.   其實樣樣都唔貴, 最貴係條魚, HK$168.  哈哈, 唔叫魚, 兩百文都唔使呀!