2016年6月23日 星期四

梧桐...唔同...

June 5, 2016, Sunday

呢掛成日星期六日先落雨, 加上最近咁多新聞行山人士遇險, 我地都好留意天氣, 更要小心做決定.

再上星期日本來想行梧桐寨, 但整個星期落雨, 星期日唔落都唔敢行, 因山上儲水, 危險呢!

跟著呢個星期一至五都無落過雨, 但星期六下午又下一場大雨, 攪到我地心大心細, 今個星期行唔行梧桐寨呢?

星期日一大朝早, 天朗氣清, 組長話準時出發.    跟著陶媽sent過嚟....吓一兩小時後強雷雨....

組長話唔好理咁多, 大家集合出發先.....

一開車出到吐露港就開始落雨.....組長話plan 2.....先去飲茶

喝著走咗去粉嶺新名苑飲茶

組長, 我地啱啱先食完早餐,咁多野點食得落呀.....哈哈,食吓食吓,味又食哂!

飲完茶出去再睇天氣, 天朗氣清, 但唔肯定一陣落唔落雨....都係唔好行梧桐寨, 行番南涌直昇機坪安全的.

車泊觀音廟, 我地又出發啦.

其實今日真係可以行梧桐寨架.....

睇吓山上都無水流落嚟                                  比起上星期日的水好瀑布咁沖落嚟呀!

近漁農自然護理處對面, 上次有條小溪嘅地方, 今個星期日乾哂.

大家好快又行到直昇機坪, 用咗大約50分鐘 (天氣熱都係要休息一吓)

呢道嘅路唔難行, 但條大斜路都行得好索氣.

未到十二點就行完, 唔係好肚餓, 但又想食的野, 一齊去粉嶺樂斯食碗魚蛋粉啦.

今日行程比較短, 但都達到我地出一身汗嘅目的啦.


沒有留言:

張貼留言