五號屋的部落

2011年8月25日星期四

Okinawa 5 Days Trip - Day 1

2011年8月25日下午2:31公開累積瀏覽 758 1

August 15, 2011, Monday, 日本沖繩五天遊 - 第一天

好開心呀! 今年生日, 除咗收到型爸大公子二公子送嘅生日禮物, 型爸還安排了一家人去日本旅行..... 今日出發啦, 時間仲好理想添, 下午一點幾機, 早上十一點到機場便可以. 起身之後可以他他條條出門口.
去到機場, 見到領隊攞埋boarding pass, 就入閘. 大公子二公子佢兩個未食早餐, 去搵的野食吓.

去到見到有間叫正斗, 咁就試吓係咪咁正斗啦... 而二公子去咗隔離嗰間買西式早餐, 各有選擇啦.

大公子叫咗個雲吞麵, 咦! 都唔錯喎

型爸叫咗及第粥加炸兩同我兩份喎, 的粥同炸兩都唔錯, 的炸兩入面仲有的脆. 大公子又幫手食的, 佢食多的唔緊要, 因為我同型爸一陣再會去Airline Club Lounge 食的野.

機場的野實貴啦, 三樣加埋要hk$115.
食完早餐, 二公子話想飲Starbucks, 咁佢兩兄弟又去買Starbucks, 我同型爸就去咗club lounge食野....(又食...)

以前呢道的三文治好好味, 但係今日的三文治有問題, 的碎蛋治仲好似放咗好耐有陣味, 連芝士火腿三文治都無.

呢碗魚蛋米就真係唔錯啦, 不過的湯好淡, 要自己調味. 碟xo醬好味, 不過都幾辣.

今次試飲呢隻韓國紅茶, 又幾好啵.
食完攞咗兩枝水就會合大公子二公去閘口預備上機

Boarding pass

524閘口, KA2378去沖繩

細機, 要坐接駁巴士上機
飛咗兩個幾鐘就到沖妃繩, 日本比香港快1小時, 當地時間大約5點鐘.

個機埸好細, 入閘出閘都係同一層

有一間迷係商店

一間小型日式餐廳

到埗後唔係去酒店check in, 領隊先載我們去食飯

呢間日本餐廳好大, 應該係主打招呼旅行團

叫料亭那霸

呢個房間, 可以坐40人, 已經set好哂位.

嘩! 咁攪鬼, 有哂banner响到.

每人一份

有炸雞, 蔬菜天婦羅, 苦瓜炒蛋. 苦瓜炒蛋係呢道嘅地方食品, 因沖繩受中國文化影響好大. 亦都種植好多苦瓜

紙火鍋

導遊話呢道的阿古豬肉好出名, 食落肉質好甜, 叫我地食真的.

墨魚汁燉蛋

每碗都有一隻墨魚喺入面架.

仲有呢小碗黑糖西米糖水. 原來呢道又係出產好多蔗, 所以黑糖都好出名

食緊飯嘅時候就有日本民族舞表演

哈哈, 導遊話呢的舞者都表演咗幾十年, 所以都有番咁上下年紀

跟著仲有三線琴表演....講真呢的表演都係好鬼悶, 只不過食飯時助吓興.
食完晚飯就安排我地返酒店. 原本咁早食飯再送我地返去酒店係有原因架, 因為可以去游室外泳池, 跟著可以游室內泳池, 再可以去浸溫泉. 晚上九點前一定要先入去泳池.

沿路見到呢間樹包屋, 影張相先, 好似呢道都係其中一個景點.

到酒店啦, 導遊話upgrade咗我地嚟呢間Loisir Hotel Naha, 仲可以連續住兩晚, 即係連續兩晚都可以浸溫泉. 跟著嗰的酒店就無溫泉浸.

入到酒店大堂, 被呢個超大豎琴吸引

入到房間都好整潔, 唔錯
跟著我地立即出去超市, 大公子同二公子要去入貨呀! 要快手, 去完就要去游水同浸溫泉.

兩個又食啦, 一個要甜筒, 一個要雪糕磚, 兩款都咁好味.

唔止呀, 呢的係佢兩個買嚟宵夜架.

返到去就即刻換游衣落去, 游咗一陣就去浸溫泉. 男女分開嘅風呂, 型爸就好啦, 有兩個仔陪著一齊浸, 我就要一個人去浸. 浸到十點幾十一點就好夠啦, 快的返上房瞓. 的日本人真係好鍾意浸溫泉, 我返上房時, 仲有好多一家大細嚟浸. 酒店好滿, 大部份都係日本人嚟沖繩渡假.

浸完溫泉, 寧舍好瞓.

2011年8月21日星期日

各部屋女主人為五號屋預祝生日 - special lady's night

2011年8月21日下午3:21公開累積瀏覽 49 1

August 12, 2011, Friday Night

今晚好開心, 幾位部屋女主人預約我今晚飲香檳, 為我預祝生日. 本來party在八號部屋舉行, 但因為我要整Cheese Cake, 入爐一個小時後, 還要做餅面, 唯有要求佢地改來我家舉行啦. 真係唔好意思, 八號部屋點好哂蠟燭, 香檳及香檳杯都已經雪凍, 都要轉移陣地....

酒加送酒小食, 一次過送過嚟.

的香檳杯同粉紅色香檳已經雪得冰凍

剛焗好嘅Almond

剛炸好嘅Mozzarella Cheese

魷魚絲

焗Pecan

大家已經食過飯, 而家飲吓香檳食吓小食真係好開心.

結果一枝香檳都唔夠, 再開多一枝Moet & Chandon

真係好多謝佢地, 一個好開心嘅晚上, 結果飲到Wing吓Wing 吓.

明天開始放假, 睡得很甜.

2011年8月20日星期六

Oyster Express

2011年8月20日下午2:52公開累積瀏覽 83 0

August 11, 2011, Thursday Night

星期四放工後去上瑜珈堂. 上完堂唔使趕返屋企, 因為型爸同兩個仔响Oyster Express等我食飯. 佢地之前去咗飲野, 都等咗我個幾兩個鐘.
呢間Oyster Express响山林道, 我去到都差唔多九點. 咦! 仲係好多人喎. 唔係好多張檯, 都差唔多坐滿.

我未到前佢地叫咗兩碟串燒等我....我一到的串燒就到啦...嘻嘻..

鹽燒大蝦, 黑椒牛脷(嚟到123已經食咗, 邊記得影相)
呢道叫Oyster Express, 都以生蠔為主打. 我地打咗電話嚟問, 今日可以有十幾款蠔可以叫...

第一round叫咗澳洲嘅Smoky Bay, 法國嘅Fine De Claire, 仲有愛爾蘭嘅Irish Premium. 每款四隻, 但呢一round我地覺得麻麻, 的蠔唔夠濃味.

第二round叫咗英國嘅Bretonne, 麥西哥嘅Mexican Rock, 同法國嘅Navie Pearl (黑珍珠), 每款四隻. 呢一round嘅蠔味道濃的, 我地比較喜歡.
相比起Island Seafood, 呢道的蠔平的, 但我地覺得Island Seafood的蠔好似比較靚的.
食完生蠔我地就叫野食啦.