2011年1月4日 星期二

椰子, 椰子, 椰子味的Rum Balls


2011年1月4日上午11:55公開累積瀏覽 237 0


當整好兩個Cheese Cake 入焗爐, 趁著焗嘅時間我就開始整呢個Rum Balls, 不過都唔知叫呢個Rum Balls 做dessert, candy 定snack...  呢個Rum Balls 好適合今晚個party, 即管試吓啦.
 
响網上都睇過唔同嘅recipe, 可以用唔同toppings, nuts, corn syrup 嚟做.    但第一次做, 想搵個簡單易做嘅recipe, 所以選擇咗T&P前輩嘅做法.  因為所有材料都已經有(只欠甜餅乾), 
材料: Rum 酒40cc, 提子乾1/3杯, 甜餅乾250g, 煉奶1礶, 可可粉2湯匙, 椰絲1杯,  另預備一杯椰絲沾面用
我選擇咗椰子味Rum酒, 呢個酒精濃度係27%, 屋企另一支Rum酒有43%我怕太濃.   甜餅乾選擇咗椰圈, 椰子Rum加椰子餅, 夠哂椰子味
呢包椰蓉150g, 啱啱夠用
提子需要預早用Rum酒浸幾小時(或可浸過夜), 所以整Cheese cake 之前已經開始浸.
首先的椰圈壓碎
將椰圈餅碎,椰絲, 可可粉撈勻, 加煉奶, 再加Rum酒提子混合.   的材料混合後非常之香
落煉幼後顏色變得很深.  用匙羹取起一匙, 用另一隻匙羹弄成球狀
放入一個放了椰絲嘅碗, 沾滿椰絲後, 再用另一隻匙羹將Rum Balls 滾圓.
放入盒中, 再放入雪櫃雪硬即可.
呢盒就係完成作品啦, 我留起一的明天帶去哥哥屋企.   其他就攞去今晚party一齊食.
唔知點解做緊嘅時候, 好香椰子味, 但食落又唔係好覺.  雪硬之後, 好好食咩又唔係, 唔好食咩又唔係.  總之糖唔似糖, 小吃唔似小吃, 應該算係甜品啩!  我相信係唔夠"咬口", 可能加的nuts落去好味的.

有機會會再做, 但唔會用呢個recipe, 因為我的姪女話唔喜歡椰絲.  Toppings 可以改用可可粉, icing sugar或溶朱古力, 加nuts, 或用糖漿代替煉奶....有好多種變化...  要再試.

沒有留言:

張貼留言