兒童節嘉龍食午餐

2013年4月9日下午1:58公開累積瀏覽 166 0

April 4, 2013, Thursday 兒童節/清明節假期

今日Ruby放假, 下午我唔煮啦.   今日係清明節假期, 我地上兩星期日已經預早拜山, 今日就唔使去迫啦.

今日都係兒童節, 我屋企唯一嘅兒童就係Loki, 我地出去食晏都唔可以獨留兒童在家中, 咁就揀咗可以帶埋狗狗去嘅嘉龍啦.

 

真係估唔到, 今日去到要等位, 戶外位滿哂, 因為好多人要食煙, 全部都坐戶外.   室內又唔準帶狗, 唯有等啦.

不過都唔係等咗好耐, 有一檯見我地拖著隻狗,企喺道, 食完即埋單, 真幫手.


好快就叫咗野啦....  睇單先知佢地落錯單...我地要枝竹斑腩飯唔係味菜牛肉飯呀!


不過佢地都好客氣, 即刻換比我地.  煮得唔銆呀!


型爸話呢個銀魚蝦乾蒸腩片都好好味.

例湯都無味精, 飲完唔口渴

二公子慣例下午唔食飯, 又係叫常餐...阿仔...五香肉丁無益架.

的飯好大碟....哈哈, 我地比的白飯同紅蘿蔔Loki食....佢超開心呀!  平時都只係比狗糧, 菜, 魚, 雞胸肉佢食, 突然有白飯食, 開心都不得了.

食完又送二公子去車站.... 明晚佢應該會返嚟啩....睇吓你打唔打電話比我先.