唉, 我的記憶力係咪衰退咗好多呢, 通常呢的日子都唔會大頭蝦, 但今次set咗提示, 但出機票時未有提示麻.
七月八日是我同型爸的結婚紀念日, 但我七月七日便要出差寧波三天, 正日唔可以同型爸一齊慶祝. 型爸就梗係好希風度話唔緊要, 工作緊要的, 慶祝就幾時都得. 咁今年就預先慶祝一餐, 返嚟再補祝一餐啦.
今日搵埋林老闆一家出去食海鮮, 型爸話人多的, 高興的, 又容易叫餸的. 不過林家公子女兒有約, 只有林生林太出席, 佢地唔帶林小B, 可以輕鬆的喎. 加埋我地一家三個(又諗起响加國的大公子添), 五人行去食海鮮. 仲可以開一架車, 型爸同林老闆可以飲酒, 又環保的呢.
去到流浮山, 我地幫襯球記.
型爸林老闆去買海鮮, 跟著買的腰果返嚟族酒.
的餸好快嚟呀, 豉椒炒蟶子. 鮮甜好味有無沙. 我地喜歡食細蟶子多過大, 呢的多的, 爽甜又唔韌.
椒鹽瀨尿蝦, 兩隻大的.
油鹽水浸花蛤, 的花蛤好甜呀!
炆頭腩
上湯菜心, 非常幼嫩
遲來的鹽焗奄仔
海鮮豆腐湯
好好味架.
雖然只得五個人, 都有九餸一湯...食得實在太滿足.
食完就去五號屋, 我煲定南北杏木瓜黃耳糖水呀!
沒有留言:
張貼留言