2014年7月9日 星期三

欖菜麻醬杯杯凍豆腐

Jul 1, 2014, Tuesday, 七一假期

今日手痕呀, 整完鹽麴青瓜鹽麴豬扒, 仲要整多一樣呀.

哈哈, 睇吓我攞咁多隻花茶杯做咩...攪攪新意思呀!

 睇吓呢個就知我做咩啦.

我將一盒水豆腐切成小塊, 每個杯放一小磚豆腐.  上面黑色的係咩..

 
就係呢的欖菜啦.

放入蒸爐蒸了八分鐘, 蒸完杯入面有水, 可以唔要.  待涼之後放入雪櫃....天氣熱, 我要凍食呀!

食時從雪櫃攞出嚟, 每杯加少許麻醬就得啦.

哈哈,係點解要將的豆腐放入的杯杯入面? 因為方便食囉,   二公子的筷子技術唔係咁好, 的豆腐又難夾, 用杯杯裝著, 食時就好方便啦.

今晚的餸好清呀.   煎了兩款豬扒, 鹽麴豬扒鹹了一點, 但比較好味.

哈哈, 呢種杯杯豆腐, 可以有好多種變化, 皮蛋肉鬆豆腐一樣得呀!

遲的呢款會係potluck其中一樣餸呀!

沒有留言:

張貼留言