擔驚受怕

大公子幾年都唔返嚟一次, 今次同新袍仔一齊返嚟, 主要是回來在香港及澳門補辦婚宴.   一年前的安排, 怎會想到香港會變成這樣.   事件越演越烈, 攪到我擔驚受怕, 直至婚宴前三星期,  酒店確認 (他們非常幫忙, 將訂了午宴的那家公司轉到另一個宴會廳) 可以將婚宴由晚宴改為午宴, 心情才稍為好點.   而親戚朋友都說改了午宴, 這安排更好.

本來稍為安心, 但想像唔到他們回來這兩個星期, 是最激烈的時刻.

十一月十日星期日到港,  一早燉定雞鮑翅先去接機,  諗著一家人在家食餐一起食晚飯, 但二公子要上班, 飲咗碗翅湯就要走. 

 真係落呎料架.

十一月十一日, 早上約了酒店開會, 傾吓星期日的細節.  下午幫大公子約了去旺角換回鄉證, 怎知旺角又有事, 中旅社關了門, 要看看明天是否開.   似乎型爸幫他選錯了辦證的地方.  第二天當然也辦不了.    當天和他倆訂了位在尖沙咀吃大閘蟹 (大公子很多年沒有食大閘蟹, 好恨食呀!).  在淘源吃了個早晚飯....讓他吃過夠 (他一個人吃五隻, 我們每人也吃了四隻).   

 

吃完就開車送新袍仔去港澳碼頭.    新袍仔要趕回去換身份證, 要四五個工作天, 佢地話可以明天早上走, 但我覺得唔好啦.  晚上過去先, 明天早上又唔知有咩事.

十一月十二日, 大公子真係有食神, 型爸的朋友送來百多隻大閘蟹,  一次過比佢食到夠.   咁多梗係食唔哂, 跟著就派比的鄰居.   

第二天一早做埋速遞, 送十幾隻比五哥, 再送十幾隻比姑奶同奶奶.   順便送大公子去碼頭搭船去澳門.   但交通已經出問題,  平時非常暢通的荃錦公路紅大帽山出荃灣, 非常塞車, 花了兩個小才去到中港碼頭.     放工更加塞車, 花了兩個多小時才回到家.

十一月十三日及十四日, 非常痛苦的兩天,  東鐵線多個站被破壞, 吐露港封了,  來往比區的主要幹道封了, 所有的車去了大欖隧道, 當然大塞車啦, 粉錦荃錦都窒.   十三日那天上班用了兩個多小時, 下班用了三個小時.   十四日那天上班用了差不多三小時, 下班用了四個多小時.   我們不想罷工, 可以上班的我們都會上班. 

十一月十五日, 為了更有工作效益, 改在家裡工作. 

這幾天的心情當然跌到谷底, 這樣的交通情況, 星期日可以點呢? 

想不到又有轉機, 星期五佔據中大的人撤走了,  星期六早上吐露港全線通了, 而東鐵線大部份地鐵站開放.

十一十六日, 星期六, 婚宴前的一天,  也是我們忙碌的一天.   要將明天婚宴的東西, 今天預先拿到酒店.    早上由住所經荃錦開車到鄰居位於港島北角的酒庫取紅酒, 哈哈, 暢通無阻.   跟著再由北角去到尖沙咀香格里拉酒店, 正常行車, 沒有阻滯.   我和型爸先去吃點東西, 再去酒店check in, 將酒留在禮實部, 再把大公子及心袍仔的東西放在房間裡, 再開車去中港碼頭接佢地.

他們這幾天也很忙 昨晚也在澳門宴請了心袍仔那邊的親戚朋友, 慶幸他們在澳門不用我擔心.

今天晚上, 卒之可以一家人齊齊整整吃餐晚飯了.