五號屋的部落

2018年4月6日星期五

山下拉麵

March 29, 2018, Thursday

嗰日見鄭媽媽响Facebook post 咗張山下拉麵食野嘅相, 我見到心思思又想試吓. 地點响上水, 好近, 今日就同型爸去試.

地點真係有的難搵, 就喺行樂軒後面一條橫街, 好多水貨客响呢道做生意. 呢間山下就角位一個小鋪, 入面跟本坐唔到食客.

鋪頭出面放咗張檯, 有menu, 有位侍應叫我地先點餐, 付款後上樓上. 我嘗試影吓入面嘅煮麵情況, 但係影唔到, 因為入面熱氣騰騰, 塊玻璃濛哂呀!

有facebook專頁呀!

呢道無咩選擇, 就只係义燒拉麵HK$60, 可以選擇多的义燒(HK$80), 極多义燒 HK$110

我地要了兩碗拉麵加兩款小食, 啱啱HK$200. 無需加一

跟著行條樓梯上個閣仔, 又估唔到上面坐滿人 (大約20人), 唔方便影相.

的檯大都係接檯, 上面都貼著的湯底長時間淆製, 無味精, 放心飲. 其實的湯淆得耐咪係味精湯囉.

一口爆芝士, HK$22, 都幾好味

型爸的多义燒拉麵,有4-5塊义燒,兩隻溫泉蛋. 佢要了黑蒜湯底, 即刻試吓, 又幾好味喎.

我要了普通拉麵, 只希兩塊义燒. 我其實好怕食义燒拉麵, 以前食過的义燒拉麵, 無一次係好食. 所以兩塊對我嚟講都已經好夠.

型爸分咗一隻溫泉蛋比我, 佢話每人一隻啱啱好, 一碗兩隻蛋太多啦. 隻蛋又腍又軟好好味呀!

真係合估唔到, 塊义燒都係又腍又軟, 亦都好好味. 辛辣湯都好, 但感覺黑蒜湯底好味的. 返而我覺得的拉麵質感厚實 (唔係爽), 只係一般. 食一碗麵, 個胃漲哂. (我聽到隔離檯那位男士, 佢話好滯呀!)

的餃子最後先嚟 (HK$28), 真係唔得, 下次千祈唔好叫呀!

呢道都有一的支持客, 希望可以繼續落去啦, 如果唔係呢條街又比的水貨客包哂啦.

2018年4月4日星期三

香港銀行家會所

March 27, 2018, Tuesday

今日同幾位靚太食晚飯呀! 地點在中環置地廣場告羅士打大廈香港銀行家會所. 其中一位靚太係呢道嘅會員, 所以咪嚟呢道嘅Bar & Lounge 飲野兼食晚飯.

Mrs Kua 返咗嚟兩個幾月, 幾日後又款啦, 我都係第一次見佢.

佢地五點幾開始飲, 我六點幾先到.

佢地叫咗的小食送酒, 留咗一隻釀雞翼比我

仲有呢份蘑菇薯仔

在中菜部要了一份义燒, 都唔錯喎
　

蘑菇牛柳粒

要了炸豆腐, 不過唔夠熱, 侍應幫我地cancel

呢客鯪魚球縮哂水, 又鹹, 侍應又幫我們退了

呢碟係煎蓮藕片

啫啫芥蘭煲

Cancel 咗兩個小食, 我地改要了一客咖哩鴨肉薑黃飯. 呢樣係我叫, 因為好想食薑黃飯. 但係呢道做得唔好, 的咪只係普通白米, 好腍呀!

一碟夠哂啦, 我地都只係每人食兩湯匙.

甜品要了梳乎里電雲呢拿醬, 又係一份五個人食.

埋單食物就HK$1,600, 另外開了三枝酒有特價HK$1,080, 每人HK$530

因為知道今晚飲酒, 我地個個都無開車, 叫的士走啦, 只有Mrs. Kua 住港島, 我地四個人一架車返屋苑...好化算呀!

2018年4月2日星期一

March 25, 2018, Sunday

星期日本是行山天, 但今天要請假, 因為型爸的台灣朋友來香港, 要招待一下呢.

呢兩位朋友由台灣飛到廣州喝喜酒, 只逗留三天. 他打電話給型爸時, 型爸叫他們喝完喜酒, 第二天來香港, 大家可以相聚一下, 食晚飯吹吹水. 其實這也是順路, 他們走時也要經香港回台灣, 現只是改一個晚上留在香港. 農曆年假時, 我們到台灣, 他們也要求我們一家人去台北吃晚飯, 又幫我們訂另一家酒店, 好朋友, 當然有來有往.

馬上幫他們在尖沙咀訂了酒店, 訂位食晚飯也想了好一會. 因為其中一位食煙, 要搵間餐廳可以食煙呢!

我記得上次同美國回來的朋友去泰斗 Thai Master, 那裡有一個露台, 應該可以食煙吧, 打去一問, 雖然不可以坐在露台餐位那邊食, 但要要行幾步, 餐廳有預留一個位置給食煙的客人, 不會影響其他客人, 那也兩全其美.

最開心係响手機open rice 睇到佢地有優惠, 星期日由晚上六點開始時段, 全部有七折....嘩, 超開心呀! 今日再睇吓, 原來星期一至三一晚上八時半後也一樣有七折.   下次食晚飯訂位, 會入去openrice 睇睇有無折先. 如果想要有折, 要用open rice 個網去訂先至得架.

跟著打電話去問, 帶酒去要收幾多開瓶費. 我話有Whisky, 佢話本來收HK$250, 現收HK$150一枝.   如果每人打折後消費超過HK$320, 仲可以waive埋開瓶費.   哈哈, 好有信心唔使比開瓶費呀!

下午兩點幾接咗佢地去我地屋企坐下 , 跟著先去酒店check in, 再帶佢地由酒店去星光花園, 再去名店街.   哈哈, 兩位男士點有興趣shopping 吖. 佢地寧願早的去飲吓野食飯啦.

結果我們的晚餐提早由六點開始.