阿元獅餐廳

October 22, 2013, Tuesday afternoon

今天一早上了深圳寫字樓辦點事, 以為可以一早攪掂, 點知都要等都中午先完成. 下午就同國內同事食晏啦.

去咗呢間阿元獅食台灣菜

坐低就放落嚟嘅蘿蔔乾,


同事叫了呢款魚, 我無留意叫咩野名, 同事話條魚係福壽魚, 半煎炸之後, 淋上用冬菰絲, 紅蘿蔔絲同豬肉絲煮成嘅醬汁, 又幾好味喎.

麻油腰花

我點的蔬菜卷.

同事點的肉丸羹

三餸一湯, 我地三個人好夠啦.

食完我仲要趕返香港, 下午約了客人在公司開會呀!

Aeon MaxValu Prime Food Court - The One

20October 21, 2013, Monday Afternoon

今日約咗豆豆媽媽, 趁著午飯時間, 去The One嘅Aeon 超市同十二蚊店行吓.

無咩收獲呀, 午餐就响一樓food court買野食. 因為餐後要趕過海開會, 要快快脆脆食完, 約咗同事响地鐵站等我.

豆豆媽咪話佢之前買過呢道的拉麵都ok, 咁我都試吓啦.

 

豆豆媽味要了日式义燒拉麵, 見到的日式义燒肥到腩肉咁, 我唔like呢.


我要了炸豬扒拉麵

每人要了一盒檸檬茶

 

睇落件豬扒ok, 但食落就真係唔得啦, 又軌又嚡.  我走去問阿姐, 個豬扒有無汁架, 佢黑口黑面話無.

碗拉麵就細細碗啦, 不過我鍾意食白色拉麵, 呢款黃色麻麻.


一碗拉麵+一盒飲品, 每位HK$43

食完我又走去問阿姐, 有無牙籤呀? 佢又黑口黑面同我講"無呀"...哈哈, 唔知我係咪好麻煩呢.

呢間的野我就覺得唔得啦, 下次試吓第二間便當啦.

鮮奶吐司- 麵包機製作

October 20, 2013, Sunday

今日好唔得閒呀, 仲要spare的時間出嚟整麵包, 不過有麵包機幫手, 真係落哂料, 按個製就得啦.

今次用了高筋粉 250g, 牛油 15g, 糖24g, 奶粉6g, 鹽5g, 凍鮮奶 175ml, yeast 3g


用軟式mode, 七點按制, 要晚上十一點二十分先做完呀!

 

按制之後唔可以打開嚟睇, 因為酵母未落, 大約一小時候, 打開面蓋見的酵母已落, 咁就可以打開個蓋嚟睇.   麵團已成soft ball, 不過我按落去, 覺得個soft ball 唔係好柔軟, 同我以前用其他牌子嘅麵包機唔一樣.


到剩下一小時再打開嚟睇, 個麵包發酵得好好呀!   呢個麵包機嘅recipe同其他牌子真係唔一樣架.

出爐, 有18-19cm 高呀!

用鮮奶代替水, 的麵包更柔軟呀! 

第二天的早餐

牛油果蕃茄三文治


再放入多士焗爐, 好正呀!

再過了一天....

加了火雞胸肉


的麵包一樣柔軟, 烘咗仲更好味添....型爸大讚好味呀!

鮮蝦木耳雲吞

October 20, 2013, Sunday

上星期包了餃子, 我今個星期包雲吞呀!

有兩款雲吞皮

 

呢款係國內超市買嘅上海雲吞皮, 又薄又軟, 我今次要嚟包港式雲吞


呢款响香港街市買嘅雲吞皮, 厚身的, 梘水味都重的.  其實我想買大塊的架, 但買唔到, 因為我想整錦滷雲吞


剁了一大盤肉, 分了一半出嚟加入木耳.   而鮮蝦就唔撈落去, 包時加入的餡


的餡料調味加入了蝦子同大地魚粉, 希望做到雲吞麵口嗰種口味

包嘅時候, 先落雲耳肉餡, 再加半隻蝦, 我唔想剁碎的蝦, 希望咬落去口感大的.

包了兩個款式試吓, 始終覺得上海雲吞包嘅方式好的, 好過港式嘅搾埋一嚿, 因為塊皮細, 的餡包得唔多呀!.

上海雲吞皮包港式雲吞餡, 包咗六十幾隻呀!


至於的港式雲吞皮就包咗呢的雲吞, 餡料沒布加雲耳, 只有鮮蝦豬肉


包好一層, 鋪上保鮮紙, 面上再加一層, 呢的諗著用嚟炸架!

今日完成品.

呢兩個星期做咁多手工, 的指甲花哂, 又要再整過啦.

魚生+薑蔥炒蟹+西蘭花元蹄+蒜蓉油麥菜+紫米湯丸

October 19, 2013, Saturday Night

當型爸肚餓時同佢出去行街或超市, 真係好危險, 佢會咩都想買, 咩都想食

本來今日叫Ruby唔好煮飯, 我地出去買大閘蟹返屋企整, 但蟹就買唔成....結果


去到超市, 見到有油甘魚魚生同海膽, 想食...買.

買到返屋企, 記得仲有的清油, 攞出嚟飲埋佢(我都唔敢點飲呀!)  型爸唔好清酒, 佢鍾意飲whisky, 所以呢枝飲得咁慢呀

 

大閘蟹買唔成, 買咗薑蔥炒蟹


仲有西蘭花元蹄

返到屋企只係炒咗碟蒜蓉油麥菜

 

魚生做前菜, 呢的係主菜

食完飯兩個鐘仲有甜品.

勁薑紫米湯丸

芝麻餡, 好好味呀!

增肥的一晚!!!

煎餃子+蒸小籠包

October 19, 2013, Saturday afternoon

五號屋包咗的餃子, 趁今日假期整嚟食啦.  問型爸想食湯餃定煎餃, 佢第一時間話煎餃,  哈哈, 佢鍾意食香口的呀!

煎餃就攞的長形出嚟, 餃型平底, 容易煎呀!

不過型爸好記性, 佢記得我地剛响超市買咗小籠包, 佢話不如蒸埋嚟食.


呢款灌湯小籠包, 一包有八隻, 二公子都好鍾意食

 

雖然的耐熱膠盤可以蒸, 但我都係喜歡轉落碟蒸, 我諗著用蒸爐, 但Ruby開咗鑊, 咁就落鑊蒸啦

包裝內附鎮江醋, 不過我無加薑絲, 因為型爸唔鍾意落醋

 

煎餃+小籠包

 

今日飲品大豆鈣思寶


我的午餐

深井發記甜品

October 18, 2013, Friday night

同幾位舊同學離開帕莎, 去搵甜品店

去咗呢間深井發記甜品....哈哈, 我地唔係去咗深井, 呢間鋪頭响赫德道口, 只係個名係深井發記.

晚上尖沙咀真係好旺, 食甜品一樣要等位呀!  不過都唔係等咗好耐, 鋪仔細細, 的客人食完就走啦.

我地六人分別叫了:

木瓜雪耳糖水

楊枝金露

綠豆沙湯丸


腐竹糖水加湯丸

腐竹糖水

五號屋要了川貝蓮子海底野.

我地都唔全得耐呀, 食完都要走, 唔好阻著人地的檯, 有人等位呀!


埋單HK$157.

我地在街外傾咗一陣, 十點幾就走, 我揸車要成個鐘先返到屋企呀!