左手面做白麵包, 右手面做雞蛋甜包, 甜包預備第三次發酵時, 再加的椰蓉落去, 變成椰蓉檳.
發酵嘅程式已經差唔多完, 但的麵團仲好似未發酵完.
個甜包仲差的, 只發大了一倍左右. 如果我而家比部麵包機繼續運作, 的麵包一定唔鬆軟. 因為下一個程式已經開始焗. 呢部機每次運作, 一定要由開始到尾, 中間停咗, 就唔可以繼續餘下嘅程式. 如
我唯有停咗部麵包機, 將甜麵團攞出嚟, 改做一個個細緻麵包. 而白麵包麵團則留在麵包機內繼續發酵, 待等我處理好甜麵團再處理白麵團.
整好椰蓉饀(用牛油, 椰絲, 糖, 蛋白混合) 將的甜麵團分成九份, 每個約60g,
將的椰蓉鋪上麵團, 捲起做型
今日無咩心水, 隨便做6個圓形3個長形
攪掂完的甜麵團再去睇番個白麵團, 竟然發酵得好靚, 我梗係唔想再攪佢啦. 但係又唔可以開番個麵包機嚟焗, 唯有將成個container攞出嚟放入焗爐焗
你睇幾攪笑...唉吔, 差的唔記得掃蛋汁添. 220c 焗35分鐘, 睇落都有的攪笑. 個白麵包仲升高的.
焗好啦, 個白麵包升高咗2", 的椰蓉包就各有型形狀. 明明6 個圓形, 3 個長形, 焗完變成咁, 試明手工未到家.
其實的甜包應該比佢再發酵多一陣, 但見到個白麵包發得咁好, 好似盲咗咁將佢地一齊焗...唉! 應該分開焗, 將個白麵包焗好先, 等的甜麵包多的時間發酵.
個個都有的唔同樣.
的包唔係特別鬆軟, 只係ok, 但的椰蓉就非常好味.
呢個白麵包麵團, 意外地焗得好靚.
切開咗入面好靚好鬆軟....正
人真係要變通, 隨時執生. 如果我今日無睇著部機, 可能今次嘅麵團留番响部麵包機繼續焗, 一定焗到實哂. 原來唔止人需要多的時間, 的麵團都需要多的時間比佢發酵....救番的麵包, 開心.
沒有留言:
張貼留言