2010年9月28日下午3:39公開累積瀏覽 45
今次陶陶媽&爸都join埋我地一齊, 一行五人, 更加高興.
晚上, 陶陶爸帶我們去一間叫西湖春天食淮揚菜, 睇吓包紙巾, 呢間西湖春天, 有好多分店...
嘩! 大閘蟹出籠, 好貴呀! 六兩要RMB315一只. 亦有好多唔同嘅花雕酒供應. 不過今日唔食蟹.
陶陶爸點菜, 呢度有好幾樣菜都有特色. 我覺得的淮揚菜同上海菜好相似, 只是煮法有所不同. 陶陶爸話淮揚菜比上海菜清淡.
呢碟揚州水晶肴肉同鎮江肴肉好相似. 賣相同味道都好好.
西湖蜜汁藕片, 清清甜甜, 釀入蓮藕孔嗰的係糯米.
糯米大紅棗, 少少甜, 都幾好味架.
生煎包都好好味, 個包底煎起有的脆, 唔錯.
個小籠包叫咗兩客. 的皮好薄, 內有好多汁, 可惜的肉略鹹
本來叫一條春天醉鰣魚, 點知賣哂, 改叫咗呢條干菜蒸長江黑回魚. 的肉都好滑.
淮揚紅炖獅子頭, 叫咗三客. 用個好靚嘅盛具裝著, 下面用微火保溫. 咪睇佢好似細細嚿(都有成2-3"直徑), 每人半嚿都好夠. 其實呢個獅子頭已經係我食過之中比較好, 而且好肯定的肉用手挅, 唔係用攪拌機攪碎, 但始終咁大嚿肉, 唔係我喜好.
南宋傳統東坡肉. 叫咗三客, 服務員幫我地切一開四(即係有十二嚿). 以前食過東坡肉, 但唔覺好食, 每次唔敢食嗰的肥肉. 但今次型爸話非常好味, 叫我一定要試. 佢話的肥肉做到入口即溶, 仲唔覺得膩. 咁講法, 真係要試吓. 第一次將整件東坡肉連皮連肉一齊食, 嘩!又真係幾好味. 我今次已經覺得自己係一個勇敢的中國人, 咁大嚿肥肉食咗落肚都咁開心. 但已經唔敢食第二嚿.... 覺得好有犯罪感.....明天要開始做個detox program.
呢碟叫毛毛菜, 唔肯定以前食過未.
呢個火踵筍干老鴨湯都非常好味, 個煲都印咗西湖春天嘅標誌.
呢個龍井炒蝦仁, 好清的蝦又爽, 好味
呢個薑酒童子雞都好好味, 仲用個咁靚嘅盛具, 又可以保溫, 唔錯.
雖然已經好夠, 但陶陶爸話應該要試吓呢個桂花酒釀芝麻迷你湯丸. 叫咗一客細份, 每人都可以試少少, 幾好味吖.
型爸一開始已經話要叫呢個粟米刨冰, 又係叫細份, 大家食少少試吓.
好滿足好夠啦! 食得好開心呀!
其實仲有好多餸想叫, 但真係食唔哂, 下次先啦.
就係呢條春天醉鰣魚賣哂. 下次真係要試吓.
見到呢個杭醬年糕炒膏蝦, 好想叫, 都係忍著, 下次先.
佢地話呢個紹興干菜肉夾窩窩頭好好味, 下次一定要試吓.... 我地真係好為食呀!
呢餐無叫特別貴嘅餸, 叫嘅都係有特色小食, 本來條鰣魚係最貴, 點知賣哂. 而家埋單rmb641, 五個人, 都算抵食.
沒有留言:
張貼留言