今年响Regal Riverside 嘅Bauhinia function Room & Pool Side 舉行. 酒店方面其實都昨出交通安排, 有shuttle bus 由尖沙咀& 金鐘pick up的Club membesr去到沙田嘅Regal Riverside. Party 完後, 再送回尖沙咀&金鐘. 雖然我無坐佢地安排嘅shuttle bus, 都覺得呢個arrangement幾好.
今年嘅party以花為主題, 每位賓客入場, 都會有一小束鮮花, 女士帶於手上, 男士就帶於襟上. 仲安排咗個遊戲節目, 以收集唔同顏色或唔同品種嘅花, 等的賓客可以一齊參預, 都幾熱鬧.
另一個節目係婚紗晚裝cat walk show, 有三個models展出咗十多套晚裝婚紗, 的models 同的婚紗晚裝都好靚. 最欣賞的models' 嘅髮型, 簡單, 高貴大方, 襯每一件晚裝都好適合.
因為呢個cat walk show, 酒店將整個場地劃分為三個部份, 而中間嘅部份(大約佔總面積40%)安排作cat walk show, 左手面(太約佔30%)位置提供食物, 而右手面(亦佔30%)有四個counter比嘉賓玩遊戲.
可能因天雨關係, 本來安排於pool side提供食品嘅counter, 全部都設於左手面沿牆位置, 當晚嘉賓都有二三百人, 而賓客只可以站著, 攞完食物亦只可以站著來食. 高峰時間, 擠得水洩不通, 想攞野食好難行到counter, 攞到食物, 又要擠一輪先可出到嚟, 就算唔食野站著, 都要左閃右避, 場面有的混亂. 如果pool side 可以開到, 可能無呢個問題. 雖然地方比較擠迫, 但今次所提供嘅食物非常之有水準, 亦有質素, 大部份都好好味, 而食物嘅presentation 都好靚(可惜當時嘅情況唔適合影相), 值得一讚. 如果Regal Hotels 嘅自助餐可以做到呢個質素, 一定旺場兼迫爆.
而右手面四個counters, , 相比起來比較寬敞, 因參預的人比食野的人少. 其中一個counter, 應該係sponsor今晚cat walk show 嘅婚紗晚裝店, 我地已婚人士, 對此無興趣, 都無行埋個counter, 所以連個sponsor 商叫咩野名都唔記得.
另一個counter係富豪酒店group自己嘅counter, 有幾條問題比嘉賓作答, 真係唔好意思, 無做功課, 唔識答. 其實開始時, MC 都有提過吓的答案, 不過無上心. 另一個係Cover Mark 嘅counter, 寫低咗個名&公司名, 佢比咗一份Cover Mark Connecting Base嘅試用裝.
最後一個counter係Regal River Side OM SPA & Fitness Centre 提供嘅hand massage. 本來都想試吓, 但輪候的人太多, 只得兩位泰國師傅, 最後都係無做到.
臨走嘅時候, 大會送每位賓客一份小禮品, 環保袋內裝著一個行李名牌+手提行李手墊. 幾實用但未必會同佢賣廣告.
Overall, 今晚呢個party, 都算攪得唔錯.
最終亦要多謝佢地嘅邀請....
沒有留言:
張貼留言