2010年9月3日 星期五

繼續斷食三天 - 2010 4th


2010年9月3日下午1:56公開累積瀏覽 46 0

 
呢幾日都過得非常順利, 輕鬆愉快, 越嚟越覺得無難度, 亦無心思思想要食的咩, 肚餓就飲蜜糖, 花茶, 麥茶, 三餐就用一湯匙蜜糖代替.  如果想飲下午茶, 又係飲一湯匙蜜糖.  哈哈! 係咪好豐富呢....
 
今日星期五, 復食日, 早上起來, 都係先飲一杯蜜糖.
至於早餐係鮮橙一個, 蕃薯粟米粥一杯.   Ruby幫我pack 好, 等我帶帶番公司食.
杯蕃薯粟米粥幾靚...但食完碗粥之後, 覺得好飽, 個橙無食,  到十二點幾好肚餓, 但係就嚟食午飯, 飲啖水好啦, 都無食到個橙, 結果要帶番屋企.  
下午同幾位同事一齊去 CEO K lunch, 叫咗個銀牙韮菜炒魚鬆, 本來呢個餸都幾清, 但我諗佢地落咗好多油落去炒, 我唯有用隻匙羹墊高隻碟一邊, 等的油流埋一邊.  的菜炒得都ok, 不過的魚鬆好鹹.  (唉, 都係屋企的野好食的)
配咗半碗飯(真好, 我有個同事好鍾意食飯, 幫我食半碗, 不過佢好瘦). 又係覺得的米好硬... 但係叫咗石頭鍋飯嘅同事, 就話佢地的飯ok喎.
其實餐飯食得好慢, 大家唱吓歌, 傾吓謁, 食飯時真係慢慢咀嚼, 但唔知點解, 食完飯回到公司, 覺得個胃好重, 唔係好舒服, 過咗幾個鍾, 先至覺得好的.  (無食野幾日個胃反而無事, 食咗野就唔舒服..).
晚餐就一早安排好煲粥炒麵.  但型爸唔鍾意蕃薯粟米粥, 所以要再煲蠔豉肉碎粥.
Mina臨走前教Ruby用個Shuttle Chef 嚟煲, 不過今次真係煲得唔好, 我要重新再教過.
呢個雞絲炒粉米又係比Ruby自己發揮, 不過又係唔係好得, 味道ok, 但米粉太淋, 唔夠乾身.
呢份係今日嘅晚餐, 雖然皆不理想, 但Ruby的第一次, 算係ok 啦.
同場加影, 印尼辣椒醬.  Ruby整嘅, 幾好味, 又唔太辣,  但今日不宜食辣, 試咗小小.
食完晚餐後, 都係覺得個胃好重, 復食日, 都係食少的好的.

沒有留言:

張貼留言