2010年11月1日上午11:06公開累積瀏覽 111
下午二時許由尖東出發, 差不多五時許才到達嘉寶田國際度假會議中心酒店, 而型爸已經到達在那邊等我們.
哈哈, 呢間酒店竟然話係五星酒店, 唔知係咪起好之後跌咗幾粒星, 真係三粒星都比多佢. 不過都係瞓一晚啫...
Check in後, 上房間放好行理, 我地就出去市中心逛逛, 陶爸開車, 用GPS帶路.
去咗呢間紅燈記食家食晚飯. 陶爸話以前都嚟過, 都ok嘅. 但我地去到, 見到有大旅遊巴, 唔通做旅行團.
入到去, 有一個好大個的魚池
經過一個檔口, 從玻璃望入去, 見到的焗鴨及鹽焗雞.
呢度比較鄉村風味, 所用的餐具都較傳統, 的檯布都非常殘舊.
遇到一個非常無禮貌的點菜員, 問佢咩野都粗聲粗氣, 咁咪唔使佢介紹囉. 結果都係由陶爸&型爸點菜...
椒鹽河蝦, 呢個都幾好味, 不過略嫌多油.
我地叫蒜蓉炒蕃薯苗. 點知嚟咗豆豉鯪魚炒蕃薯苗. 不過呢碟都唔算係苗, 因為連埋莖, 可以叫蕃薯菜.
客家煎釀豆腐. 一的都無驚喜, 因為的豆腐無想像中咁滑. 不過又唔係難食.
本來諗著蒜頭豆豉蒸沙坑魚, 點知呢個做法係先炸後蒸, 結果又係肥膩, 個底比豉油浸著嗰的仲好鹹. 型爸話佢之前食過嘅沙坑魚大條好多, 每條有4-5吋長, 同呢的唔一樣.
鹽焗雞, 非常一般, 略鹹, 唔知係咪走地雞, 的肉略韌. 好似放入微波爐叮翻熱比我地食.
我地叫西芹炒雞什, 想要多的腎, 點知嚟到真係只有雞腎, 無其他雞心, 雞腸, 雞肝. 唔知係咪個點菜員領悟力有問題.
Overall, 呢餐真係麻麻地, 煮餸的方法非常油膩, 每碟都覺得好多油... 不過唔緊要, 都係一餐啫, 我地明天去第二間試吓.
今餐都幾早食飯, 我地沿路開車, 見到有砂鍋粥, 型爸已經話要宵夜...
沒有留言:
張貼留言