下午食咗個黑椒乾炒牛意好滿足呀! 晚上唔使煮, 會同哥哥媽媽佢地出去食飯慶祝母親節.
哥哥提議同媽媽去深井食飯, 我地無咩所謂, 揸車去邊道食都差唔多. 但我最怕係要等位, 加上媽媽都唔可以咁樣等. 但哥哥話嫂嫂已經訂咗位, 食六點, 早的唔使等位, 只要七點九前還檯就可以. 無問題啦, 如果的餸上得快, 個幾鐘一定夠時間食完.
五點幾我地開車去接哥哥一家&媽媽, 過咗汀九橋轉落去深井己經要慢車, 因為好多車都係轉落深井去. 要右轉入條巷仔之前, 已經有位男士負責安排泊位. 每架車都要停低, 嗰位男士問幫襯邊間?...陳記...泊呢邊...裕記...入面轉左...
順利到達.
因為塞車關係, 我地遲咗十幾二十分鐘, 去到裕記門口, 已經企滿哂人(幾驚佢賣咗我地張檯)... 好彩我地話齊人, 即刻比張檯我地.
大家有無留意張檯貼滿哂紙仔, 原來呢的全部都係當晚booking....犀唔犀利....
今晚只供應呢個母親節餐牌
寫埋日子, 仲印埋母親節快樂 (咁特別, 特別印呢張餐牌淨係呢幾日用?)
不過對我地嚟講都唔使點睇, 叫來叫去都係嗰幾樣.....
酒釀鵝肝, 八個人唔每人一年, 我地兩人share一件嚟食(高危食品, 試少少好啦) , 試落去好普通, 唔覺好好食喎
西洋菜陳腎湯, 的陳腎超腍, 的西洋菜同陳腎都可以當餸食, 淡淡地仲幾好味添.
中鍋湯, 夠分8碗.
酥炸魷魚鬚, 好味喎!
尖椒鵝心鵝腸, 呢碟都ok喎
椒鹽鵝腎, 都幾好味喎
咕嚕肉, 咦! 唔係用排骨整嘅\? 好似係用厚的嘅肉片(或薄片豬扒)嚟整. 不過我鍾意食配菜多過的肉. 味道都ok嘅, 唔會太甜或太酸.
薑汁芥蘭, 都ok喎
上湯蒜蓉莧菜, 清清地, 又ok喎!
豉油皇鵝腸, 上碟時嗰位侍應, 新鮮鵝腸, 所以肥的, 如果係雪藏, 會無哂的油架. 真係好肥喎, 食嗰時都係要咬咗的油出嚟
其他餸都已經到齊食到七七八八, 碟燒鵝先送嚟. 睇落仲唔係好靚仔, 顏色好深色. 的鵝食落頗鹹, 的皮仲唔脆, 咬落仲有的韌. 裕記呀裕記, 呢道的燒鵝唔掂點攪呀! 上次中秋嚟又係咁, 但上次燒起的顏色起碼靚的, 唔似今次咁黑麻麻.
結果的燒鵝食唔哂, 食哂的鵝髀鵝胸, 剩番鵝翼鵝背, 加埋都有半隻. 都要打包架, 哥哥唔要, 咁我要啦.
埋單HK$1,473, 八個人, 唔使二佰蚊一個人, 食晚飯小菜係咁上下啦.
我地七點二十分就埋單, 食咗一個鐘. 快的走, 因為仲有好多人等緊位.
臨走影吓呢個埸面, 裕記門口仲係"塞滿"哂人, 仲有一大堆人坐喺道等. 沿路睇, 大約有差唔多有二佰人等緊位.....
好彩我地book六點早的食, 如果要咁等法, 我地都唔會嚟, 寧願搵日少的人再食過.
沒有留言:
張貼留言