之前响一間雜貨鋪買野嘅時候, 見到一包去濕料, 咁多口問吓老闆, 呢的去濕料點煲架. 咁老闆同我講, 好易啫, 將一包掉落個煲到加水就得, 可以加冬瓜一齊煲就得啦. 加瘦肉就好似煲湯咁. 當其時有個女士同我講, 佢成日都煲架, 兩三個人飲, 落半包好啦, 好濃架.
細個嗰時, 媽媽都有煲, 每次都煲好大煲. 但我就從來都未煲過. 其實我連五花茶都未煲過, 而家都唔使煲啦, 二公子只會問, 媽咪, 咩你無買清熱浩吖!
呢幾日天氣熱, 我就學吓買嚿冬瓜返嚟, 煲吓清熱消暑嘅去濕湯
買咗斤半冬瓜, 加嚿瘦肉一齊煲
嗰包去濕料入面有: 燈芯花, 蓮蓬, 木棉花, 荷葉, 扁豆, 生薏米, 赤小豆, 爆薏米, 川太. 嗰位太太叫我一包分兩次煲, 吓, 咁多樣, 點分呀.... 一包都係幾蚊雞, 唔理咁多, 一次煲哂, 加多的水咪得囉.
預備好哂的份量, 同Ruby講咗點煲.... 跟著我要出去啦....
都唔知係我講得唔清楚, 定係Ruby落水太少...煲起得番好少水, 好似汁咁.... (我記得細個時媽媽煲過比我飲都唔係咁嘅....)
真係好濃呀, 飲落仲有苦澀味添....真衰, 唔聽嗰位女士講, 濃得制真係好難飲架, 唯有叫Ruby明天加多的水, 從新再煲過睇吓救唔救得番啦.
沒有留言:
張貼留言