富豪軒公司春茗午膳

2012年2月16日上午11:30公開累積瀏覽 134 1

February 10, 2012,  Friday Afternoon

上星期日八號部屋女主人約咗一位從國內到來嘅正骨醫師到診, 佢見我肩頸痛咗咁耐, 問我要唔要睇, 咁既然到診, 我當然睇吓啦.  個正骨醫師話我嘅問題响條頸到,
左邊彎到右邊, 所以右邊壓著神經線, 的筋胳腫脹, 所以咁痛, 叫我敷冰.  佢幫我整完一輪, 又好似好的喎.  不過我個頭都大埋, 物理治療師叫我熱敷, 正骨醫師叫我冰敷.  做咗物理治療咁耐, 一的進展都無, 試吓冰敷啦.    不過天時咁凍. 冰敷真係幾唔舒服. 

同事聽我講搵個國內嘅正骨師, 佢話咁麻煩, 不如試吓佢睇過嗰個正骨師啦.  不過好難Book喎....我星期一打電話去book, 今日星期五早上十一點半先有得睇...  其實今日好忙, 下午公司食飯, 晚上仲要上深圳同國內的同事食飯.    但點都要睇架.... 不過睇完呢個骨醫, 覺得真係神奇, 佢搵出我嘅問題, 幫我推完拉完, 我成個鬆哂,  仲趕得切去酒樓,  時間啱啱好,

今日嘅餐單, 我一早預訂好....   我地喜歡casual lunch, 唔喜歡太formal.


每圍檯都叫咗20碟點心....

每圍一隻片皮鴨, 差唔多食哂先記得影.   我好忙呀, 的同事猛咁問我醫師點樣醫我.  不過呢道的片皮鴨唔得呀, 同全聚德嗰的差好遠.

芙蓉黃金蝦球, 今日的蝦又有的問題, 外面的蛋黃好鹹喎, 的蛋白就ok

濃湯桂魚浸時菜... 上次好好味, 今次唔同哂嘅!

貳鬆瑤柱蛋白五穀炒飯, 有的人喜歡, 有的人唔喜歡...可過我又係食哂先記得影


肉絲炒麵, 好基本, 反而幾好食.

的食物上得好慢....唉, 服務都唔係好得....

甜品有蛋白杏仁茶, 仲有紅豆凍糕.... 我全部都唔記得影...

今次有頗多食物剩呀!   梗係叫佢地pack番去, 的同事晏的肚餓可以食.   我地有4隻鴨, 仲可以帶走4隻鴨殼..

對今日呢餐, 頗為失望, 廚師呀廚師, 你今日攪咩鬼呀!  你咁攪法我地有排都唔會再嚟呀!