呢個時候就影番的基本野...
黑豚肉, 但係我已經食唔落.
呢箱龍蝦, 由南非空運嚟架. 大概三十幾四十隻, 隻隻都長過我隻手掌
食到差唔多就燒大蜆啦. 側面燒緊龍蝦, 我地將的龍蝦腳撕咗落嚟, 諗著要嚟起肉煲粥呀!
六號部屋突然响屋企攞咗條大魚嚟, 原來係佢朋友用手釣, 釣咗送比佢, 佢地話係大黑鱲, 我唔識呀!
蒸咗13分鐘, 條魚好正呀! 為呢次燒烤錦上添花
林老闆開咗好多支靚酒呀!
呢支係Grand Cru Classes - Chateau Branaire Ducun. 我唔識, 但係Mr & Mrs Kua話呢支酒非常唔錯.
仲開咗一支竹鶴21年, 係佢叫人响台灣酒鋪買架! 又係飲哂都唔記得影. 不過飲哂唔緊要, 因為我有朋友啱啱去沖繩旅行, 已經叫咗佢返嚟係機場幫我買幾支呀!
飲完又開咗呢支whisky, 响歐洲機場買架.
食吓傾吓, 飲埋腐竹糖水都十一點幾, 我燉咗嘅薑汁川貝燉雪梨都無食... 唔緊要, 留番明天都無問題.
係時候要返屋企教訓吓Loki!
講起Loki, 就要講吓呢段小插曲....
昨天我地出去食飯時, Loki睇著我地出門口, 我地一關閘, 佢發咗顛咁叫咗幾聲, 跟著仲發脾氣, 响正門口便便. 我地都唔理佢啦, 繼續開車走.
今日仲離譜, 我地去咗林老闆家, 出門口佢已經呱呱叫, 可能我地响戶外, 佢聽到我地把聲, 佢响屋企門口叫得好淒慘. 當Ruby過埋嚟燒烤, 佢竟然發脾氣, 走上二樓二公子張床便便. 等二公子食完一早返去, 見佢叫得咁犀利, 仲帶佢出去玩. 點知返到上房見到的床上的便便, 真係激死, 二公子有潔癖架.... 即刻叫Ruby返嚟攪掂. 二公子叫Loki上去, 一指張床, Loki即刻一支箭走咗去, 點都唔肯上去.
到我同型爸返到屋企, 我一鬧佢, 佢又係一支箭即刻走咗去. 後來型爸用狗繩縛佢返案發現埸, 我地指著張床, 佢點都唔肯望, 直至型爸用狗繩"fit"佢pat pat, 佢即刻變死狗唔敢郁唔敢望我地.. 一路鬧佢, 佢唔肯同我地眼神接觸呀! 真係唔知好嬲定好笑. 跟著佢死死地氣返落去瞓覺, 唔睬我地,
呢的Husky, 性格真係好特別, 平時真係好乖, 只要有一個人响屋企, 佢都無問題, 自己玩, 自己瞓. 一見唔到人就發脾氣, 做的不可思議嘅事作為抗議. 無辨法, 下次我地出哂去, 一定鎖門要佢喺戶外, 唔準入屋, 唔可以心軟.
昨天我地出去食飯時, Loki睇著我地出門口, 我地一關閘, 佢發咗顛咁叫咗幾聲, 跟著仲發脾氣, 响正門口便便. 我地都唔理佢啦, 繼續開車走.
今日仲離譜, 我地去咗林老闆家, 出門口佢已經呱呱叫, 可能我地响戶外, 佢聽到我地把聲, 佢响屋企門口叫得好淒慘. 當Ruby過埋嚟燒烤, 佢竟然發脾氣, 走上二樓二公子張床便便. 等二公子食完一早返去, 見佢叫得咁犀利, 仲帶佢出去玩. 點知返到上房見到的床上的便便, 真係激死, 二公子有潔癖架.... 即刻叫Ruby返嚟攪掂. 二公子叫Loki上去, 一指張床, Loki即刻一支箭走咗去, 點都唔肯上去.
到我同型爸返到屋企, 我一鬧佢, 佢又係一支箭即刻走咗去. 後來型爸用狗繩縛佢返案發現埸, 我地指著張床, 佢點都唔肯望, 直至型爸用狗繩"fit"佢pat pat, 佢即刻變死狗唔敢郁唔敢望我地.. 一路鬧佢, 佢唔肯同我地眼神接觸呀! 真係唔知好嬲定好笑. 跟著佢死死地氣返落去瞓覺, 唔睬我地,
呢的Husky, 性格真係好特別, 平時真係好乖, 只要有一個人响屋企, 佢都無問題, 自己玩, 自己瞓. 一見唔到人就發脾氣, 做的不可思議嘅事作為抗議. 無辨法, 下次我地出哂去, 一定鎖門要佢喺戶外, 唔準入屋, 唔可以心軟.
沒有留言:
張貼留言