2015年10月18日 星期日

煎鴨胸忌廉香蒜芝士長通粉

October 6, 2015,  Tuesday

今日Cindy特別要求要放假, 佢話鄉里從緬甸回來, 幫佢帶咗的野, 佢要去接機.  我地無所謂, 放假就放假啦.

開車回家途中, 已經諗著晚餐整意粉, 快靚正.

麻煩鬼幫我買咗呢款長通粉, 759星期日有七折, 幾文一包, 真係抵呀!

上次去超市, 發現新口味礶頭湯, 又買咗幾礶試吓.  現在呢的礶頭湯都唔平, 細礶裝都要HK$31.9三礶.  平均HK$10.63一礶.   先兩個月大礶裝都只係HK$10.9一礶, 現在只可以買礶細.

煙鴨胸太簡單, 解凍切片, 一煎就得

用咗一礶半湯加大半礶水, 煮成稠一點的汁....煮到一半, 型爸大叫, 媽咪加的腸落去....咁加就加啦.

另一邊用個五層鑊煮長通粉, 煮8分鐘, 焗8分鐘

煮好倒咗的水

加上醬汁.   本來諗著再落焗盤, 放上芝士然後入焗爐整焗意粉....點知型爸又大叫....就咁啦, 多的汁咪仲好, 唔使焗啦....咁我唯在將兩片芝士放堆入的汁道煮, 咁的汁就會稠的.

唔焗就唔焗, 上碟

加埋的蒸好嘅鴨胸....攪掂.

型爸同二公子都話好味呀!

當我地差唔多食完, Cindy拎咗的緬甸甜品比我地食...下面黃色嘅係用糯米粉做, 上面係炒過嘅椰絲.   型爸麻麻地鍾意, 食咗半嚿, 我就幫襯食一嚿.   二公子唔鐘意, 係唔會幫襯.

二公子鍾意食咩,咪Cheese Cake.   差的唔記得咗呢件在日本機埸買的迷你Cheese cake.

口感好creamy, 都幾好味, 但就無我自己整嘅New York cheese cake 咁好味啦.

Cindy請我地食佢家鄉甜品, 我就回贈佢一件cheese cake啦.

3 則留言:

  1. 我都係買呢個牌子通粉,夠哂平呀!

    回覆刪除
    回覆
    1. 都係第一次買到咁平. 下次要再入的貨先.

      刪除
  2. 現在759有一隻烟鴨胸已經切好了

    回覆刪除