2015年10月30日 星期五

牛腸牛肚肉骨茶

October 19, 2015, Monday


久唔久都喜歡煲吓肉骨茶, 但好耐都無去馬來西亞, 好好飲响隻已經無存貨.  最近就求其响超市買就算, 唔煲就唔知好唔好飲.

平時煲肉骨茶都係放排骨又或者豬軟骨, 不過今日特別的, 用牛腸牛肚代替.  去馬來西亞時, 我見到有的店鋪用豬內臟煲肉骨茶, 咁牛腸牛肚都得啦.

呢兩包急凍牛腸牛肚, 本來買嚟整韓式牛腸牛肚鍋, 突然想整肉骨茶, 咁用咗先, 下次再買(如果好味的話)

 
無技術架, 好似平時煲肉骨茶咁, 放蒜頭, 冬菰, 今次用牛腸牛肚, 但無加排骨.  無落豬肉, 的湯無咁肥.  飲落都係肉骨茶嘅味, 但就無咗豬肉的甜味.   原來淨落牛腸牛肚係無咁好味.

肉骨茶真係要落排骨先好味架!

至於的牛腸牛肚, 今日食唔落啦, 煲完湯無咩味.....唔, 有計....


第二天, 用咖哩再炆...變咗咖哩牛腸肚....哈哈, 好味好多!


沒有留言:

張貼留言